Video
Read full review
2023-07-08
59 views
早兩日去咗呢間日本過江龍吉烈牛專門店。除咗荃灣分店之外，銅鑼灣Tower35亦有分店。任何套餐嘅白飯、沙律、麵豉湯都可以無限追加，完全唔洗擔心食唔飽！☄️「京都勝牛三味套餐」（$228）三味套餐包括菲力牛、翼板牛、醬味薄牛三款吉烈牛。菲力牛油脂分佈平均，肉質嫩得嚟又有咬口。翼板牛就相對比較腍身，油脂味會比菲力牛更出。兩款牛經過油炸上碟都係3成熟，亦可以用店員提供嘅煎pan加熱。醬味薄牛上枱嗰陣已經接近全熟，淋上炸皮表面嘅醬汁嘅味道好重，蓋過咗牛嘅味道得嚟，又失去咗吉烈牛脆口嘅口感。☄️「名物翼板伴大海老套餐」（$198）大過手掌嘅吉烈海老配翼板牛嘅組合。大海老咬落鬆脆啖啖肉，翼板牛份量足夠，滿足感十足！個人嚟講性價比比三味套餐高。舖頭環境闊落，位置方便。作為日本過江龍嘅連瑣店表現中規中矩。去旅行前止止癮都可以嘅！
☄️「京都勝牛三味套餐」（$228）
三味套餐包括菲力牛、翼板牛、醬味薄牛三款吉烈牛。
菲力牛油脂分佈平均，肉質嫩得嚟又有咬口。翼板牛就相對比較腍身，油脂味會比菲力牛更出。
兩款牛經過油炸上碟都係3成熟，亦可以用店員提供嘅煎pan加熱。醬味薄牛上枱嗰陣已經接近全熟，淋上炸皮表面嘅醬汁嘅味道好重，蓋過咗牛嘅味道得嚟，又失去咗吉烈牛脆口嘅口感。
☄️「名物翼板伴大海老套餐」（$198）
大過手掌嘅吉烈海老配翼板牛嘅組合。大海老咬落鬆脆啖啖肉，翼板牛份量足夠，滿足感十足！個人嚟講性價比比三味套餐高。
舖頭環境闊落，位置方便。作為日本過江龍嘅連瑣店表現中規中矩。去旅行前止止癮都可以嘅！
Post
