轉角‧見

Open Now

Now Closed

轉角‧見係荃灣都算係一間幾出名既漢堡黃店，價錢以手工漢堡黎講算平，而且足料得黎又好食，飲品同小食都唔錯😋1⃣️型男漢堡（$64）除左手打牛肉漢堡之外，仲有紅菜頭、蕃茄、芝士、煙肉、流心蛋同埋沙律菜。成個漢堡好厚好大個，流心蛋食落蛋漿好正，配埋紅菜頭好特別，紅菜頭既味道唔算好突出，食落唔會感覺好突兀。成個漢堡食落味道好豐富，芝士、醬汁、牛肉既肉汁，所有野一齊食好滿足🤤包有牛油香，而且牛肉唔會乾唔會鞋，肉味香👍CP值高。  2⃣️煙肉漢堡（$60）呢個漢堡有漢堡扒、蕃茄、芝士、煙肉、炒洋蔥同埋沙律菜。芝士半溶既狀態，加埋煙肉、牛肉漢堡，好好食！好抵食。  3⃣️特濃花生奶昔（$38）呢個奶昔好驚艷😍花生味道好濃🥜飲落好creamy仲食到粒粒花生碎粒😌  4⃣️凍玫瑰桂花烏龍茶（$28）玫瑰桂花味道清清甜甜地，好清好解渴。  5⃣️棒棒雞槌（$38）炸雞雞皮有啲厚，入面既雞肉比較少同埋乾，但係佢既BBQ醬汁好惹味，用黎點個雞槌食好唔錯。 6⃣️蒜香牛油雞翼（$38）呢個好好味！牛油味好香，炸得夠香脆，面頭仲灑上左炸蒜🤩雞翼肉質依然嫩滑，呢個大推！