摩登堂 (荃灣廣場)

Open Now

Now Closed

荃灣摩登堂，好多椰樹裝飾，近門口既卡位更佈置到成隻船仔咁，充滿泰國風情。餐牌提供多款新派泰國菜，包括泰國街頭小食、主菜、涼盤沙律、泰式燒烤、甜品、茶飲。泰國皇室鳳爪沙律：鳳爪去晒骨，酸酸辣辣，開胃小食。米網蝦春卷(4件)：網面用米造，捲住成隻蝦，炸得脆卜卜，夠晒香口。炭燒沙嗲豬肉串：豬肉串燒，烤得恰到好處，加埋微辣既沙爹汁，非常惹味。摩登手工海南雞：海南雞肉質嫩滑，雞皮爽彈，配搭3種唔同既醬汁，令雞肉鮮味更加突出。鮮奶油蜂蜜丹麥厚吐司：吐司外層香脆，內裡鬆軟，上面放左鮮奶油和蜂蜜，甜而不膩，打卡一流。榴槤糯米飯雪糕：榴槤蓉加在糯米飯上面，味道香濃，配上2球雲呢拿雪糕，透心涼。總結，食物美味，配搭有創意，除左可以嚟食泰國菜，仲可以嚟食甜品，同樣出色，值得推薦。