都佐 (Closed)

呢間都佐係附近啲五金舖同埋工廈中間有啲自成一角既感覺，新開左唔係好耐，入面既環境好舒服，播住啲好柔和既音樂，而且座位都算闊落，冇諗過係荃灣都有啲咁既地方😌店鋪主打日式咖喱，加入左自己特調既元素，好似蘋果蓉、黑朱古力咁，另外都有其他日式烏冬、蓋飯。聽店員講佢地既咖啡都係佢地既主打黎，午餐時間去食可以加$15蚊要杯熱咖啡。仲有幾款唔同既小食、甜品可以選擇🤤  另外值得一提既係呢度既店員服務態度真係好好🥰店員熱心咁推薦左佢地既咖啡比我地，然後食物送到黎既時候都會解釋下啲食法同埋特色👍  1⃣️鹿兒島和牛漢堡咖哩烏冬（$158）呢款咖喱係加左黑朱古力調配架😯好特別。食落唔會食到明顯既朱古力味，係甜甜地既日式咖喱，但係比起平時出面食開既更加濃稠更加結身，撈埋烏冬食真係好正😍咖喱入面仲有啲紅蘿蔔，煮得好淋身好好味，同埋仲有啲菇係入面添！漢堡扒牛肉味好重👍食得出係靚野。烏冬都好彈牙，因為咖喱汁夠曬結身所以可以好好咁沾上啲烏冬到食😌勁正～好鍾意呢間既咖喱，宜家諗翻起都想食。  2⃣️油揚烏龍麵（$58） 烏龍麵彈牙，湯底清甜，腐皮索曬汁，甜甜地好好味😋  3⃣️牛肉壽喜燒蓋飯（$78）蛋黃橙黃色好靚🤩撈飯食一流。