Video
Read full review
2023-12-26
117 views
荃灣愉景新城隔離八咪半開左新餐廳-槾悠餐廳環境闊落好坐，裝修清新充滿綠意，有種叢林感，餐廳以The ꜱʟᴏᴛʜ🦥為創意概念，ꜱʟᴏᴡ ᴅᴏᴡɴ, ᴄᴀʟᴍ ᴅᴏᴡɴ嘅慢活節奏，令人有舒適悠閑嘅用餐享受。餐廳菜式以fusion泰國菜為主，提供各種主食、小食、野飲同甜品。椰青大粒多水夠爽甜。芭堤雅的天空，賣相一流，底層係斑蘭汁同珍多冰，用蝶豆花汁同椰奶撞出好似天空嘅顏色，好適合打卡。軟殼蟹冬陰功蟹肉西班牙飯佢係餐廳嘅signature菜式，大鐵鍋呈上，熱氣騰騰，佢系泰式冬陰功味嘅西班牙炒飯，夠晒fusion，冬陰功味好突出，酸酸哋帶微辣，都幾開胃。海鮮豐富，加入軟殼蟹東南亞元素，同埋大蝦、青口、蜆肉、魷魚，再用青豆、椰菜點綴，好睇又好食。串燒雙層塔想試晒咁多款小食，嗌呢個串燒雙層塔就岩啦，佢除咗可以食到雞肉串同一口牛肉串，仲有魚餅、蝦餅及香脆春卷，打卡影相都好正。馬拉盞炒通菜，大大碟而且夠晒惹味。槾悠 (荃灣)荃灣青山公路荃灣段388號中染大廈(8咪半)1樓115號舖
荃灣愉景新城隔離八咪半開左新餐廳-槾悠
餐廳環境闊落好坐，裝修清新充滿綠意，有種叢林感，餐廳以The ꜱʟᴏᴛʜ🦥為創意概念，ꜱʟᴏᴡ ᴅᴏᴡɴ, ᴄᴀʟᴍ ᴅᴏᴡɴ嘅慢活節奏，令人有舒適悠閑嘅用餐享受。
餐廳菜式以fusion泰國菜為主，提供各種主食、小食、野飲同甜品。
椰青大粒多水夠爽甜。
芭堤雅的天空，賣相一流，底層係斑蘭汁同珍多冰，用蝶豆花汁同椰奶撞出好似天空嘅顏色，好適合打卡。
軟殼蟹冬陰功蟹肉西班牙飯
佢係餐廳嘅signature菜式，大鐵鍋呈上，熱氣騰騰，佢系泰式冬陰功味嘅西班牙炒飯，夠晒fusion，冬陰功味好突出，酸酸哋帶微辣，都幾開胃。海鮮豐富，加入軟殼蟹東南亞元素，同埋大蝦、青口、蜆肉、魷魚，再用青豆、椰菜點綴，好睇又好食。
串燒雙層塔
想試晒咁多款小食，嗌呢個串燒雙層塔就岩啦，佢除咗可以食到雞肉串同一口牛肉串，仲有魚餅、蝦餅及香脆春卷，打卡影相都好正。
馬拉盞炒通菜，大大碟而且夠晒惹味。
槾悠 (荃灣)
荃灣青山公路荃灣段388號中染大廈(8咪半)1樓115號舖
Post
