孖寶車仔麵 (Closed)

孖寶車仔麵住係荃灣嘅我，成日食米線食到好厭啊真係！發現荃灣廣場附近新開左間孖寶車仔麵，成日都俾門口嘅懷舊裝潢設計吸引住❤️今日晏就決定要同男朋友嚟試一試佢先！🤪首先入到去，成個裝飾係跟住以前80年代髮型屋嘅設計，有好幾個霓虹燈有，好有feel得嚟又坐得舒服！😘而落單方面，係自助形式嘅，枱面有三款顏色紙俾你自己tick，我地就拎左綠色果張填，因為好抵！3款送揀一個面底都係$45咋，如果要加熱飲就另外$8就可以了！寫完紙仔後行去櫃臺俾錢就得喇！好快就有店員為你送上車仔面🥰仲要有埋個托盤送上嚟俾你添！非常細心！講返個主角先，我就叫左油面（豬紅、齋麵筋、雞中翼、辣魚蛋、咖喱魷魚）加秘製醬汁，總共$61，湯底清清地，最主要係靠個秘製醬汁搭配湯面，豬紅食落好淋唔會有陣味，齋麵筋好吸湯味，所以係超級正！每次食車仔面必叫架！雞中翼係用滷水汁調製，非常入味！正！最中意就係佢個辣魚蛋，佢係用陳皮魚蛋，辣辣地好好味啊😍最估唔到就係個咖喱魷魚，原來係凍食嘅，就咁食可能會怪怪地，所以我將佢沈哂落湯，就非常好食喇！成碗野份量超多，每款送唔會得一兩舊，所以如果嗌三款$45一定好夠食喇🤩而我男朋友就嗌左油面（豬紅、蘿蔔