鋿晶館

Open Now

Now Closed

多數的後生都唔係好鐘意去酒樓食點心，因為太嘈太逼。點心店就唔同，一般都比較新式乾淨。今次去左呢間位於荃灣沙咀道新開嘅點心餐廳食啦。香脆蘿蔔腸見到個名都覺得好特別，就叫咗來試吓。佢包住蘿蔔絲，外層軟內層又點脆 最內層又有蘿蔔絲的香，口感層次好好。月半灣晶瑩鮮蝦餃 & 黑松露北菇燒賣皇佢呢度可以叫兩粒來試吓，啱晒人少但想試多啲嘢嘅我哋，佢嘅燒賣有黑松露，味道比起一般嘅會豐富啲。餡料充足，蝦內好彈牙。蝦餃都做得皮薄餡靚，絕對係唔錯。百吃不厭鹹水角鹹水角好脆，餡料都唔少，唔錯，平時都係必點。黑椒醬皇金錢肚金錢肚好入味，同埋有D 蘿蔔做或 好吸味。咱家秘製叉燒包朋友鐘意食叉燒包，我就普通。不過食落都唔錯，不過不失。濟寧蒜香蝦春卷佢係打咗啲蝦滑入去春卷做餡，春卷皮炸得香脆，點上喼汁，唔只賣相唔錯而且非常好食，喺其他地方未見到有咁嘅春卷，所以誠意推介。北菇滑雞金鳳飯佢嘅雞真係幾滑，另外想講吓佢啲米，比起其他點心餐廳或者酒樓都香，事後睇返原來呢隻叫做金鳳米。