Video
Read full review
2021-06-25
221 views
蕃茄紅油沾麵 $88前排好想食沾麵，見呢間都好似幾多人介紹過，放工就去咗食。呢度只賣三款湯底，分別係魚介豚骨、黑蒜油同蕃茄紅油沾麵，因為啱啱三個人，我哋就一人嗌一款試勻晒～黑蒜油係好濃蒜泥味，但太鹹，其實食沾麵都預咗會好濃味，但呢款湯底真係鹹到食一半都唔掂，建議店家可以調較一下個鹹度。最好食嘅我覺得係蕃茄湯底，有啲鮮蕃茄，無咁膩。叫就叫紅油無咩辣味嘅，我都加咗唔少枱面隻好似韓國辣醬嘅辣醬同檸檬醋。半熟蛋流心度啱啱好但無咩味，荃灣其他拉麵店整得入味啲。成餐我想讚嘅係啲筍，有啲昆布醬油香而爽脆，值得加錢要多啲，好味！😋整體就係正正常常，無咩驚喜，唔係難食，不過就唔係特別想回頭嘅味道。wingwing.foodfood有時都會諗返起上次去東京，專登去 #麵屋一燈 朝聖，都真係我最印象深刻嘅沾麵。就好似食過真正外脆內嫩，幾乎入口即化嘅即燒鰻魚飯之後，我平時出街極少再食鰻魚飯了。🥺
蕃茄紅油沾麵 $88
前排好想食沾麵，見呢間都好似幾多人介紹過，放工就去咗食。呢度只賣三款湯底，分別係魚介豚骨、黑蒜油同蕃茄紅油沾麵，因為啱啱三個人，我哋就一人嗌一款試勻晒～
黑蒜油係好濃蒜泥味，但太鹹，其實食沾麵都預咗會好濃味，但呢款湯底真係鹹到食一半都唔掂，建議店家可以調較一下個鹹度。最好食嘅我覺得係蕃茄湯底，有啲鮮蕃茄，無咁膩。叫就叫紅油無咩辣味嘅，我都加咗唔少枱面隻好似韓國辣醬嘅辣醬同檸檬醋。
半熟蛋流心度啱啱好但無咩味，荃灣其他拉麵店整得入味啲。成餐我想讚嘅係啲筍，有啲昆布醬油香而爽脆，值得加錢要多啲，好味！😋
整體就係正正常常，無咩驚喜，唔係難食，不過就唔係特別想回頭嘅味道。wingwing.foodfood有時都會諗返起上次去東京，專登去 #麵屋一燈 朝聖，都真係我最印象深刻嘅沾麵。就好似食過真正外脆內嫩，幾乎入口即化嘅即燒鰻魚飯之後，我平時出街極少再食鰻魚飯了。🥺
Post
