Video
Read full review
2024-08-22
158 views
今日同朋友去荃灣行街睇戲，都食晚飯嘅時候，我哋打算去商場嘅美食廣場食飯，行到大河道88號灣景廣場購物中心地下已經係美食廣場，真係方便嘅美食廣場，一般美食廣場都係商場頂樓，我哋見到有一間係食日式丼飯嘅店舖叫做DONBINI，就去睇吓有咩食，見到餐牌有個震撼優惠價嘅日式丼飯，價錢只係$38，非常抵食，店員仲同我哋講每個月都有不同優惠推介，仲有凡惠顧任何食品，讚好社交平台，就送小食嘅唐揚炸雞3件，啲優惠真係不錯抵食。🌟餐牌上日式丼飯有五款口味，有溫泉蛋醬油、生姜燒、唐揚炸、照燒、汁燒，還有五款口味嘅蛋包飯，有吉列大蝦、手打漢堡、吉列豬扒、唐揚炸雞、竹莢魚排，真係有好多美味飯食。另外一張餐牌仲有定食同小食，定食有燒鰻魚同鯖魚，仲有湯送，小食都唔少有9款，賣相都唔錯，幾吸引客人叫來食。我哋叫咗一個日式丼飯、一個定食、四個小食、兩個飲品，感覺好似係日本食。🌟先來小食同飲品，小食嘅腐皮餃子3件、唐揚炸雞3件、北海道芝士薯波6件、絹豆腐昆布味噌湯，腐皮餃子外皮香脆可口，餡料肉汁豐盈，口感一流，唐揚炸雞有鹹酥香脆的外皮，雞肉鮮嫩，充滿醬汁香味，北海道芝士薯波外脆內軟，香脆薯波內有芝心餡，薯仔同芝士好夾，
🌟餐牌上日式丼飯有五款口味，有溫泉蛋醬油、生姜燒、唐揚炸、照燒、汁燒，還有五款口味嘅蛋包飯，有吉列大蝦、手打漢堡、吉列豬扒、唐揚炸雞、竹莢魚排，真係有好多美味飯食。另外一張餐牌仲有定食同小食，定食有燒鰻魚同鯖魚，仲有湯送，小食都唔少有9款，賣相都唔錯，幾吸引客人叫來食。我哋叫咗一個日式丼飯、一個定食、四個小食、兩個飲品，感覺好似係日本食。
🌟先來小食同飲品，小食嘅腐皮餃子3件、唐揚炸雞3件、北海道芝士薯波6件、絹豆腐昆布味噌湯，腐皮餃子外皮香脆可口，餡料肉汁豐盈，口感一流，唐揚炸雞有鹹酥香脆的外皮，雞肉鮮嫩，充滿醬汁香味，北海道芝士薯波外脆內軟，香脆薯波內有芝心餡，薯仔同芝士好夾，芝士香濃，令口感酥脆，真是一種好味道嘅芝士小食，絹豆腐昆布味噌湯飲落好可口，絹豆腐質感較軟滑，非常適合做味噌湯配料。而飲品叫咗冷泡茶嘅草莓荔枝綠茶同御翠烏龍茶，綠茶同烏龍茶都清香解渴，好有茶味，冷泡茶跟餐價叫錢仲平一半，非常抵飲，而冷泡茶好配合小食，亦好適合我同朋友來飲嘢傾偈。
🌟主食丼飯同定食來得不慢，日式丼飯嘅溫泉蛋醬油牛肉丼都大碗，醬油唔鹹唔淡味道啱啱好，仲好有醬油香味，而溫泉蛋嘅蛋黃撈埋啲牛肉同飯食，非常香甜好味，亦令口感香滑，連埋香蔥同洋蔥嘅香味，更加好食。而定食嘅鹽燒鯖魚定食有5種嘅食材來配飯，食材有鹽燒鯖魚、薯仔蛋球、醬汁小魚乾、蘿蔔碎、涼拌小菜，鹽燒鯖魚令魚皮焦香美味，魚肉香滑可口，蘿蔔碎是白蘿蔔刨成蓉，配上鯖魚令風味更佳，薯仔蛋球爽口彈牙，醬汁小魚乾滋味十足，涼拌小菜清爽入味食得開胃，所有食材都好配合來食飯，好食仲食得真係飽。
這個日式丼飯店舖好值得推薦俾大家，好食抵食，價錢又唔貴，食物質量又好，又有食物優惠，仲冇加一費用，店員有禮貌服務態度好，令人食得開心，我哋下次一定再嚟食其他優惠食品。
Post
