SENSU (荃新天地) (Closed)

中午和朋友一行兩人，到荃灣 Citywalk 1期中庭旁邊，一間叫Sensu既西日餐廳食lunch。餐廳裝修簡約，以流行的木系色調為主，很適合朋友相聚和打卡。我們叫了三款食物，包括全新限定餐牌中既日本 A5和牛旋風蛋包飯，有兩個size，分別係 100g & 150g。我地見餐牌張相咁靚，就索性叫咗個大size。和牛採用肉眼上蓋，煎得剛剛好，大約五至七成熟，非常有牛味，很嫩口。滑蛋也非常高水準，夠滑唔太厚，調味的醬汁也很出色。第二款係慢煮雞胸三色藜麥柚子沙律，雞胸夠嫩，沙律內有橙和西柚，微酸口味很適合夏天炎熱天氣享用，而且整體份量相當多。最後一款為芝士海鮮冬陰功意粉，冬陰功醬配芝士味道相當不錯，海鮮的份量也很多。整體環境及食物質素相當高，很期待下次再光顧。