Video
Read full review
2011-07-12
51 views
我係港島人，好少去荃灣行街或者食飯。上星期六剛好有朋友生日，就去左呢間剛剛開張既火鍋店食飯。本來唔想去，大熱天時食火鍋真係比埋條命你。不過朋友生日，無計啦！去到的時候，只係7:30pm左右，以經見到舖頭裡面差唔多坐滿人，而且重有人排繄隊等位添，心想，係唔係咁好食呀?!門口位姐姐好有笑容同埋好有禮貌咁帶我地入去預先訂左位既table，首先先讚下D裝修先，係出面睇，一D都唔似火鍋店，因為好得意，有卡位喎，而且D卡位重好大張喎，大肚腩都坐得落！地方好光猛，好簡潔，又唔迫，D顏色又靚，紫色架！跟位帶我地入位果位姐姐又好心機咁介紹D飲野比我地，佢地既"足料"竹蔗水同酸梅湯真係幾好飲，唔太甜。當我地唔知叫乜食之際，大家就周圍望下其他table既人食繄乜啦，奇景囉，張張table 都係食繄雞煲，而傍邊就有好打邊爐既食物。咁我地咪乜都唔理，叫左隻雞煲先囉！我就怕食太辣既野，所以叫左半隻微辣既。店員姐姐都話，先食個雞煲先，然後先叫火鍋料。個雞煲黎到，一打開個煲蓋，香到不得了，但D顏色就好似差D咁，原來要用慢火慢慢慶住黎食先會越食越好味的！初初我都覺得辣既程度都可以接受，但會越食越辣架！食到差唔多就開始點
去到的時候，只係7:30pm左右，以經見到舖頭裡面差唔多坐滿人，而且重有人排繄隊等位添，心想，係唔係咁好食呀?!
門口位姐姐好有笑容同埋好有禮貌咁帶我地入去預先訂左位既table，首先先讚下D裝修先，係出面睇，一D都唔似火鍋店，因為好得意，有卡位喎，而且D卡位重好大張喎，大肚腩都坐得落！地方好光猛，好簡潔，又唔迫，D顏色又靚，紫色架！
跟位帶我地入位果位姐姐又好心機咁介紹D飲野比我地，佢地既"足料"竹蔗水同酸梅湯真係幾好飲，唔太甜。當我地唔知叫乜食之際，大家就周圍望下其他table既人食繄乜啦，奇景囉，張張table 都係食繄雞煲，而傍邊就有好打邊爐既食物。
咁我地咪乜都唔理，叫左隻雞煲先囉！我就怕食太辣既野，所以叫左半隻微辣既。店員姐姐都話，先食個雞煲先，然後先叫火鍋料。
個雞煲黎到，一打開個煲蓋，香到不得了，但D顏色就好似差D咁，原來要用慢火慢慢慶住黎食先會越食越好味的！初初我都覺得辣既程度都可以接受，但會越食越辣架！
食到差唔多就開始點其他野食啦，我地就用番呢煲雞煲既汁加清湯做火鍋既湯底啦！
火鍋點少得 "牛肉"呢!
呢隻牛肉好食喎，價錢又唔貴！
呢個炸腐皮卷都好好食喎，即叫即炸架，又唔油喎，我地食完再叫多一個！另外我覺得幾出色既就係手打蝦滑同墨魚滑呢，好多地方都有墨魚滑，但蝦滑就唔係度度都有得食，呢兩隻滑都好彈口，又係即叫即打既。
不過，如果用個雞煲黎打邊爐真係有點油，下次用火鍋既湯底黎打邊爐應該唔錯。
整體黎講，一間新開既火鍋店，本人就非常滿意啦！大家可以試下。
Post
