Video
Read full review
2018-10-05
367 views
而家荃灣真係幾時都咁多人，今日約左朋友去荃灣廣場買野，到左晚飯時間，間間食肆都大排長龍，幸好友人係街坊，佢地話外區客通常都喺商場食飯，但佢地街坊就鍾意街邊食肆，通常比較人少，而且人情味多一點。友人就帶左我黎呢間COSSI西餐廳，就喺荃灣廣場隔離大壩街，走出商場，即時無左人逼人嘅感覺。餐廳分左上下兩層，樓下有BAR檯，旁邊亦有幾張餐檯，食飯飲酒任君選擇。而侍應就安排左樓上雅座比我地。樓上可自成一角，傾計都可盡情一點。主菜有多款選擇，有意大利飯又有各式扒類，有咸豬手、肉眼扒、牛肩扒、羊膝等，咁啱我地幾個都係食肉獸，啱晒我地呀。另外，所有主菜或飯類加$38就可轉套餐，包沙律、餐湯、咖啡或茶，夠晒豐富。由於我地坐樓上，但侍應都要招呼上下層客人，所以佢地設置左呢個按鈴比上層每一檯客人，當有需要時，按一按鈴，馬上就有侍應來，好貼心嘅服務呀。我地個個都加$38轉套餐，今日餐湯係南瓜湯，色澤較淺，味道較淡，但最緊要係個湯夠熱，都ok啦。套餐仲有沙律菜及麵包。沙律菜配有醬料，酸酸地夠醒胃，做前菜最合適不過了。咸豬手烤得唔錯，外皮夠脆而裡面嘅肉又唔會太乾，而且又拌有少量黑椒汁，加上用鐵板上，可保持豬手嘅溫
幸好友人係街坊，佢地話外區客通常都喺商場食飯，但佢地街坊就鍾意街邊食肆，
通常比較人少，而且人情味多一點。
友人就帶左我黎呢間COSSI西餐廳，就喺荃灣廣場隔離大壩街，走出商場，即時無左人逼人嘅感覺。
餐廳分左上下兩層，樓下有BAR檯，旁邊亦有幾張餐檯，食飯飲酒任君選擇。而侍應就安排左樓上雅座比我地。
樓上可自成一角，傾計都可盡情一點。
主菜有多款選擇，有意大利飯又有各式扒類，有咸豬手、肉眼扒、牛肩扒、羊膝等，咁啱我地幾個都係食肉獸，啱晒我地呀。
另外，所有主菜或飯類加$38就可轉套餐，包沙律、餐湯、咖啡或茶，夠晒豐富。
由於我地坐樓上，但侍應都要招呼上下層客人，所以佢地設置左呢個按鈴比上層每一檯客人，當有需要時，按一按鈴，馬上就有侍應來，好貼心嘅服務呀。
我地個個都加$38轉套餐，今日餐湯係南瓜湯，色澤較淺，味道較淡，但最緊要係個湯夠熱，都ok啦。
套餐仲有沙律菜及麵包。沙律菜配有醬料，酸酸地夠醒胃，做前菜最合適不過了。
慢烤鐵板脆皮德國咸豬手
$148
16 views
0 likes
0 comments
咸豬手烤得唔錯，外皮夠脆而裡面嘅肉又唔會太乾，而且又拌有少量黑椒汁，加上用鐵板上，可保持豬手嘅溫度，唔會咁快變凍，因為豬手一凍就唔好食架啦。
炭燒美國極黑安格斯牛肉眼扒
$198
5 views
0 likes
0 comments
食落仲有陣陣炭燒味夠香夠濃，友人讚不住口。
炭燒美國牛肩扒
$148
14 views
0 likes
0 comments
而呢個炭燒美國牛肩扒5成熟唔會太乾身，切起上黎好輕鬆，
放入口仲有濃厚肉汁，牛味十足。
幾個朋友食下傾下計，坐左成晚，餐廳又唔會催你埋單，
下次傾計食飯又有一個好地方選擇啦。
Post
