川味雞烤魚大王 (大河道)

Open Now

Now Closed

荃灣嘅烤魚老字號川味雞烤魚大王，雞煲同烤魚都幾出名，荃灣區內黎講夠貼地，口味同魚都有好多款選擇做搭配，龍躉、鯇魚、鱸魚、魽魚任君選擇🥹重慶麻辣烤鯇魚，有得揀大小/半條/全條，我今次叫大半條鯇魚就$298鯇魚經炸香後好香口，魚肉白滑肥美，肉質鮮嫩。重慶麻辣湯底bb辣，香辣小麻夠晒惹味！湯底裡面仲有啲蘿蔔薯仔豆卜，完全吸晒個湯，真係一絕！🤤滑雙拼 $88唔知係唔係自家製嘅呢，蝦滑同墨魚滑都真材實料而且好彈牙，價錢合理👍🏻最後仲加咗皇帝菜、蒿筍、幼薯粉黎打邊爐，總括黎講佢地配菜嘅選擇多，當然會有豬牛等等，涼拌菜亦有唔少，不過實在冇咁大胃口，有機會留返下次試埋雞煲