BnR (Closed)

呢間餐廳一出荃灣廣埸過條馬路就到，勁方便。入面裝修唔似一般米線店，走簡約休閒風格，絕對坐得舒服。波波雞飯 $65★★★★☆雞飯整到波波狀真係好得意，成個賣相好特別，唔好睇少個4粒波，大大粒份量好足。雞飯每舊都係新鮮搓成熱辣辣，上枱仲冒住煙。雞飯軟硬剛好，食落有啲香茅香料雞油香，唔會淡某芋某。雞件用黃油雞，雞皮幾爽，就算雞胸位食落都唔算好茶口。最精髓係佢個醬汁，用左洋蔥炸香完去煮，食落甜甜地帶啲洋蔥香，撈飯點雞都一流！藥膳花膠雞淮山麵 $82★★★★☆個湯底有藥材味，加左紅棗、杞子等，飲落幾清甜，配落幼細爽口嘅淮山麵都幾襯。冇咩味精，飲左好多湯都唔見有口渴。花膠都有兩舊，爽滑冇腥味。雞肉好多舊配埋個湯都幾唔錯。另外仲有條細嘅油炸鬼，點湯食一流！整體好順口唔會太藥材味令到人卻步。炸墨魚卷 $42★★★★☆墨魚卷外面用腐竹包裹住，炸完之後勁香脆，入面墨魚卷夠彈牙有咬口，有墨魚肉，唔會正係粉漿，點埋個泰式辣醬，正。鍾意食香口野必點。🌟總括：湯底冇味精幾健康，雞飯賣相特別，整體味道唔錯，經過荃灣可以一試。