牛極 (大河道) (Closed)

疫情下成日喺屋企煮真係煮到好悶，決定同老公岀去食餐飯透下氣 .. 平時好少喺屋企食扒，經過見到依間可以湯，飯同沙律任添，價錢相宜所以吸引我地入去☺️餐廳第一印象都衛生，點餐基本上係自助型式！首先喺門口自助售賣機揀餐, 價錢依份量決定☺️ 再岀去自助吧裝洋葱牛肉湯，胡椒粉辣辣地好開胃，白飯可以加紫菜粉，仲有醬汁沙律。眼見岀面沙律菜夾哂會立刻refill，應該都keep住新鮮！揀左牛肩扒同牛柳😛 肉端岀來熱石上面仲係半生嘅，想要幾熟自己控制啦！建議先砌一半，另一半留返下一轉慢慢燒，因為塊肉熟得好快會食唔切架 😌我覺得肉本身都鮮重牛味加少少鹽已夠味！作為女仔揀細份量都夠食，依個價錢都值得嘅