Video
Read full review
2019-04-17
1973 views
荃灣火鍋大把，好食過幾間，黃金時間就算平日基本都要排隊，但有時要夜食，去邊都差唔多，好野通常都無哂！還掂都係要嘜無嘜，我梗係有幾平食幾平！九點正入閘，慣性先選湯底，日式火鍋湯底簡單，同正價時段一樣六選一，勝在可以一人一鍋，兩人去即變鴛鴦，但四人大枱得大鍋一個，人多反而無選擇，牛肉就唔洗選，指定精選牛肉，唔係最平架！加上免加一，比原時段平幾十蚊，豬同雞可以選，但問得要唔要當然唔要！唔迫你食一轉都係依間最好嘅地方。坐底立即去搶！基本上依個時間已十清九空，全程只有芝士腸補過貨，生菜我攞到兩轉，張枱細都盡攞！食完先攞甜品都無，沙冰同雪糕都係，唔想無就唯有自制新地樂或冰雪新地。牛肉質素無差，可能頭兩轉係切肉師傅切定，望落正常，但其實都越切越多，第三份開始係即切，未融雪，切得好碎，第四份可能熟手左，大大塊，但都成碟肉碎，質素無變，只係已融雪同未煮出嚟外觀同口感多有分別，不過都比一般火鍋任食有質素！可能尾段佢都唔想理你，加第一次個碟已大小小，比例正常，之後明顯係有幾多放幾多，其實我都未試過加梗多次，邊叫佢出面無野食，俾機會我專注食牛，非常滿足！
荃灣火鍋大把，好食過幾間，黃金時間就算平日基本都要排隊，但有時要夜食，去邊都差唔多，好野通常都無哂！還掂都係要嘜無嘜，我梗係有幾平食幾平！
九點正入閘，慣性先選湯底，日式火鍋湯底簡單，同正價時段一樣六選一，勝在可以一人一鍋，兩人去即變鴛鴦，但四人大枱得大鍋一個，人多反而無選擇，牛肉就唔洗選，指定精選牛肉，唔係最平架！加上免加一，比原時段平幾十蚊，豬同雞可以選，但問得要唔要當然唔要！唔迫你食一轉都係依間最好嘅地方。
坐底立即去搶！基本上依個時間已十清九空，全程只有芝士腸補過貨，生菜我攞到兩轉，張枱細都盡攞！食完先攞甜品都無，沙冰同雪糕都係，唔想無就唯有自制新地樂或冰雪新地。
牛肉質素無差，可能頭兩轉係切肉師傅切定，望落正常，但其實都越切越多，第三份開始係即切，未融雪，切得好碎，第四份可能熟手左，大大塊，但都成碟肉碎，質素無變，只係已融雪同未煮出嚟外觀同口感多有分別，不過都比一般火鍋任食有質素！可能尾段佢都唔想理你，加第一次個碟已大小小，比例正常，之後明顯係有幾多放幾多，其實我都未試過加梗多次，邊叫佢出面無野食，俾機會我專注食牛，非常滿足！
Post
