Video
Read full review
2022-06-20
785 views
早幾個月因為疫情，完全冇食過好嘢，就算普通堂食，都完全冇機會，而家情況好轉返啲，就梗係食下好西啦！呢個商場我成日都去，但係就未食過呢間餐廳，因為淨係睇門面，都知道佢唔係野少，今晚就同一個朋友去試吓佢嘅晚餐啦！呢間日本餐廳嘅門面相當大，仲門口望入去餐廳內部，基本上都望唔到盡頭，門口位置擺放左一啲特色嘅清酒及擺設，成個感覺都好寬闊，感覺係好舒服的由於餐廳佔地非常大，所以唔講唔知，原來餐廳一共分開咗三個主要部份，第一係清酒Bar區，就係一入門口，大家而家見到嘅位置，另外仲有 Omakase 及 天婦羅鐵板燒區，真係不得了事不宜遲，即刻俾大家睇吓今晚我哋叫咗啲咩食啦，由於樣樣都想有啲，所以今晚就決定叫咗一個二人套餐，當中包括壽司，特色菜式，串燒 及 熟食等第一個先到嘅就係呢個前菜，佢係和風柚子水牛芝士沙律，本身可能你以為佢係一款平平無奇嘅沙律，但係我覺得佢成個調味都非常好食，除咗有羽衣甘藍呢啲特別嘅蔬菜喺度，佢成碟沙律都非常新鮮，而且水牛芝士口感非常特別，望落就好似一粒鵪鶉蛋咁，食起上嚟，有淡淡芝士嘅味道，但一啲都唔膩！夠曬特別同開胃餐廳係按着套餐嘅次序去上菜嘅，第二樣就有呢個三文魚子鮑魚天使
呢個商場我成日都去，但係就未食過呢間餐廳，因為淨係睇門面，都知道佢唔係野少，今晚就同一個朋友去試吓佢嘅晚餐啦！
呢間日本餐廳嘅門面相當大，仲門口望入去餐廳內部，基本上都望唔到盡頭，門口位置擺放左一啲特色嘅清酒及擺設，成個感覺都好寬闊，感覺係好舒服的
由於餐廳佔地非常大，所以唔講唔知，原來餐廳一共分開咗三個主要部份，第一係清酒Bar區，就係一入門口，大家而家見到嘅位置，另外仲有 Omakase 及 天婦羅鐵板燒區，真係不得了
16 views
0 likes
0 comments
事不宜遲，即刻俾大家睇吓今晚我哋叫咗啲咩食啦，由於樣樣都想有啲，所以今晚就決定叫咗一個二人套餐，當中包括壽司，特色菜式，串燒 及 熟食等
第一個先到嘅就係呢個前菜，佢係和風柚子水牛芝士沙律，本身可能你以為佢係一款平平無奇嘅沙律，但係我覺得佢成個調味都非常好食，除咗有羽衣甘藍呢啲特別嘅蔬菜喺度，佢成碟沙律都非常新鮮，而且水牛芝士口感非常特別，望落就好似一粒鵪鶉蛋咁，食起上嚟，有淡淡芝士嘅味道，但一啲都唔膩！夠曬特別同開胃
13 views
0 likes
0 comments
餐廳係按着套餐嘅次序去上菜嘅，第二樣就有呢個三文魚子鮑魚天使麵，本身又係覺得，點解咁搞笑，會有pasta呢啲嘢食，但係原來餐廳都有好幾款日式嘅Fusion意粉供應，夠曬特別
由於我個人非常喜歡三文魚子，佢呢度嘅三文魚子非常鮮甜，完全為呢個天使麵做咗強大既點綴，鮑魚切片呈現，爽口彈牙，而天使麵嘅口感亦非常出色，醬汁屬於忌廉汁，調校得非常適中，承諾都好舒服，成個麵既份量會令你感覺到滿足，但又唔會太飽，覺得唔錯
13 views
0 likes
0 comments
一睇就知呢個係壽司五貫，一共分別有五款壽司，有赤身，左口裙邊，甘海老，真鯛及深海池魚
呢一道壽司就係由 Omakase 區既師傅製作，淨係睇賣相都已經夠晒吸引，而且唔係三文魚嗰啲普通嘢，我自己個人就最鍾意 左口裙邊 同埋 甘海老，非常新鮮之餘，特別係 甘海老，口感非常濃厚豐富有張力，完全唔係一般普通嘅平價甜蝦款式，同時壽司嘅飯底都做得好好，整得都好好食
11 views
0 likes
0 comments
之後有 清酒煮蜆，可能呢度有清酒賣，而且對清楚嘅要求都有一定嘅水平，所以呢個清酒煮蜆嘅味道非常香濃，就知道所投放嘅清酒並非極普通平價嘅類別，蜆都算係大隻，並無空殼，而且全部都已經吐沙，所以食起嚟，非常舒服冇雜質，會令你有驚喜
10 views
0 likes
0 comments
如果你飲清酒，當然都會建議你食埋串燒，因為呢個可以講係絕配，呢度有三款串燒，左面嘅係炭燒免治雞肉棒，中間係炭燒紫蘇牛油蝦，右邊係炭燒冬菇
5 views
0 likes
0 comments
我個人認為最出色，一定要叫嘅，就係呢個炭燒免治雞肉棒，同時都係月見模式，即係有日本蛋俾你沾點，日本蛋非常鮮甜，雞肉棒亦燒得外脆內軟，同埋由於餐廳確實真係用炭去燒，所以口感同味道都更加出色
4 views
0 likes
0 comments
喺甜品之前，就有呢個美國肉眼稻庭烏冬，其實食到嚟呢度，基本上都已經開始飽，再加埋呢碗烏冬，已經非常滿足
2 views
0 likes
0 comments
其實佢最特別之處，除咗佢用咗美國肉眼，識落牛肉嘅味道香濃，一啲都唔韌，口感好好；同事會用上稻庭烏冬，基本上係烏冬加入味道最好食嘅烏冬，同樣地，都係口感好好，本身嘅清湯， 混合埋牛肉汁喺度，所以，整體嘅味道都好清新，唔會令你拒之門外
5 views
0 likes
0 comments
最後最後，當然唔少得甜品，佢嘅甜品就係每人一個雪糕球，呢個雪糕球嘅味道係提子冧酒，唔似得平時普通朱古力或者雲呢拿嗰啲普通味道，令今餐咁特別嘅一餐，畫上一個完美嘅句號
左邊晚市套餐A，就係我哋叫嘅套餐啦，如果兩個人嚟食，如果唔係非常大食，基本上都一定足夠
如果想食好啲，或者再食多啲，就可以選擇右邊嘅套餐B，我覺得佢啲內容都非常吸引
總括而言，由於荃灣區有咁高質嘅日式餐廳，絕對非常罕見，同時滿足晒你想食壽司，串燒，鐵板燒嘅願望，再加埋真正嘅環境及服務都非常高水準，所以如果去開荃灣區，又想食高質素嘅日式餐廳，真係絕對值得一試！
Post
