大良鴻輝記

Open Now

Now Closed

宜家D甜品舖，切吓生果，撈吓芒果汁、椰汁就有成張餐牌，好難精於煲糖水，肯花時間又花心機，自然要老字號。腐竹蛋糖水，腐皮加糖超簡單，煲到腐皮都變成一片白，話有蓮子但見唔到，雞蛋當然係一早煮好要先放落去，無驚喜；木瓜燉雪耳，成盅上，但唔似原盅燉，木瓜夠多，雪耳都開始融，糖水有粘度，甜度適中，火侯夠；雙圓藜麥紫米露，新款甜品，好似裝修完先有，用台灣芋圓同地瓜圓有咬口，一來滿滿的棷香，外表不太看出是紫米露，甚至說不太好看，味道中規中矩可接受。依度傳統三寶芝麻、合桃，杏仁糊，都係自家制，識食自然食依幾樣，但時代變遷有梗多嘢，人要換吓口味，舖都要轉變求生。今次八點左右去得兩枱客，係比較早，但其他甜品舖一般都唔止，就算宵夜時段日日爆場，廿幾蚊碗幾個鐘又有幾多？附近有平價甜品，食得辛苦但總有需求，但係老店仲生存到時，間中都要有調劑。