嘉樂冰廳 (U PLACE) (Closed)

冰廳自1978年在荃灣開業，巨型蛋治/奄列係佢地嘅招牌菜，2019年轉手後依然保持傳統，出品冰廳故有的菜單之餘加入新產品吸引年青顧客。轉手之後一直冇檮會再去試吓。今年5月時，見到有傳媒報導係土瓜環開咗新分店，見今日經開呢度就一於去見識一下。新店比起舊店大好多，仲有戶外庭園位可以打下卡，入面都係用返橙色做主調。卡位牆身居然有USB差電位，好方便。同荃灣一樣已經改用手機落單，已經同cafe差唔多。今次冇叫飯麵，先叫一個土瓜環店限定的特厚豬扒包同一個巨型火腿奄列，再追加返新後新加的阿華田產品，包括阿華田西多士及阿華田脆脆。特厚豬排包個豬扒一D都唔柴，加上烘脆咗嘅豬仔法包，外脆內軟，下次會試下厚切豬扒飯。火腿奄列加埋美極一齊食就真係大滿足，阿華田西多士係花生醬西多+華田粉，阿華田脆脆就似美祿恐龍。舊區開始發展，舊有事物會慢慢消失，傳統冰室有的持續經營，改善加入新元素去發展係值得支持。