來多碗車仔麵 (路德圍) (Closed)

荃灣路德圍有好多麵食鋪，今次就黎左「來多碗車仔麵」食返碗車仔麵先～來多碗係先叫餸比錢後入座的，所以如果你有選擇困難，可以先係門口望望menu😆 佢餸既選擇都幾多架，而我覺得佢好聰明咁將必食推介寫左上牆度～ 而我就貪心d叫四餸，食佢其中四款必食推介😏我叫既係「秘製牛腩、秘汁雞翼、古法豬紅、咖哩魚蛋油麵」～🤩 自己就覺得佢餸既份量都唔少，雞翼有2隻、豬紅有5舊、魚蛋4粒，牛腩就有肉又有筋🙆🏻‍♀️-雞翼入味，而且一咬肉骨分離，除左滷水汁味，另外自己食落覺得好似有鹽水浸過既味（？！）唔知係咪不過本人幾鍾意陣味😆😆-咖哩魚蛋爽同彈牙，咖哩味對我黎講係唔辣既-牛腩牛筋入味，特別係牛筋。牛筋仲好有𡁻口-豬紅唔會太淋，完全唔會話一夾就散晒除左餸之外，呢度仲有2款辣醬，分別係秘製辣醬（圖右）同埋魔鬼辣醬（圖左）～ 因為驚辣，所以分開上個醬，個人幾鍾意秘製辣醬，除左有辣香味仲有陣甜甜地既味～ 可以撈落麵/點黎食～另外仲要左個凍豆漿，初頭以為杯上但原來係一枝枝。雖然未聽過個口牌，但味道都唔錯架～