Lucky U

Open Now

Now Closed

Happy Friday同個老友去happy hour，由夜晚十點飲到兩點先散水，吹到口水都乾。因為大家都食了晚飯先去，所以叫了幾款小食一齊分享，因為啤酒才是重點。我就例牌1664，朋友就飲了杯Rose garden再飲多杯白酒。墨西哥香辣牛肉芝士焗粟米片配酸忌廉、牛油梨醬及番茄沙沙：一大盤新鮮焗起，表面舖滿了芝士，下面是墨西哥脆片，香脆又帶芝士香，我覺得牛油梨醬同脆片味道比較夾，番茄都唔錯。香辣雞軟骨：雞軟骨炸得脆口，又有咬口，送啤酒一流。雜菌牛柳粒：牛柳粒以雜菌一起炒，有些黑椒香而且牛柳粒又嫩又無筋，送返碗白飯就正啦！安格斯漢堡配幼薯條：漢堡扒有成寸厚，結實又有肉汁，有煎太陽蛋又流心，又有煙肉芝士等配料，一啖都咬唔到，幼薯熱辣辣又香脆。整體小食高質，而且又唔趕客，慢慢坐到走為止。