老壇子酸菜魚

Open Now

Now Closed

今日行過荃新天地二期發現開咗間新嘅酸菜魚，超鍾意❤酸菜魚嘅我即刻約埋朋友過嚟試吓。🐟酸菜鱸魚 點咗個酸菜魚，揀咗鱸魚貪佢冇乜骨，鱸魚新鮮，口感嫩滑，底下仲有勁多酸菜同薯粉🤩。酸菜夠晒爽脆，個湯底都夠晒酸，有香辣味又有蒜蓉味，食魚之前我習慣先飲返幾啖🥄湯先。食完真係開胃又滿足😌。仲點咗個小食，酸辣🌶雞雜，雞雜處理得好好，完全冇臊味，酸酸哋辣辣地，炒得幾夠鑊氣，酸辣口好好餸飯。🍹嘢飲方面，見佢有近期大熱嘅鴨屎香手打檸檬茶🍋，真係勁香嘅鴨屎香味，配埋檸檬🍋同青檸🍋‍🟩，真係消暑又解渴。食辣嘢必飲。