Chalet (Closed)

餐廳位置都算偏僻，喺愉景新城對面，福來邨側邊。餐廳環境、食物有質素。價錢來講荃灣區偏貴，但我覺得咁嘅質素係值。Mocktail生蠔🦪 - 好新鮮，可以唔使點醬。醬方面，佢有普通嘅茄汁同埋比較特別既紅酒汁。前菜，吞拿魚與子沙律， 又係好新鮮。我哋叫咗set, 送嘅餐湯。主食係燒烤醬朱肋骨配炸芝士 - 朱肋骨好入味，炸芝士又脆又香。不過食得有啲麻煩。另一主菜係韓牛封門柳 - 個牛煮得好軟好嫩，有牛香味，明顯唔係平時啲平貨，略嫌有啲細份。甜品係麵包布甸 - 好味，唔會太甜，食埋呢個就剛剛好，好滿足！另外見有食評話佢哋只收現金，我當日去佢哋係會收卡嘅。