韓正屋韓國料理 (海壩街)

Open Now

Now Closed

朋友一向都鍾意韓國，Kpop 韓劇好多有追，佢當然連食物都唔放過啦😂，所以今日就帶佢食一間韓式食店俾佢開心吓。舖頭位於香車街街市後面，相對來講都算隱世，但最緊要好食就得啦😉今次叫咗個二人餐 $220雜錦雞肉石頭鍋飯份量都唔細，而且拌埋韓式辣醬一齊食十分惹味，食落仲有少少麻油香，而且石鍋食到尾都仲夠熱，唔錯👍🏻鐵板燒牛仔骨3大塊牛仔骨上到枱仲「咋咋聲」，而且醃料味道適宜，唔會搶咗肉味，咬落仲有肉汁流出來，性價比相當高。海鮮純豆腐湯從外觀睇初時以為會好辣，但原來係韓式醬料令到佢咁紅，裏面仲有唔少蜆肉同埋魷魚其他海鮮，所以湯底飲起上嚟非常鮮味。另外再叫多一個小食韓式芝士蛋卷 $52蛋捲煎得鬆軟，而且中心仲有芝士係裏面，食落🧀味十足。