立鮨 (安富大廈) (Closed)

以為立鮨只有企位，但原來荃灣路得圍呢間係唔使立，仲要餐廳最入位置有2人枱，但當然bar枱望住師傅整野就最有feel。平日既夜晚7點半左右唔係太多人，唔使等就有位餐廳可以qr code落單， 非常方便，職員都好有禮。壽司係日本直送，新鮮，價錢唔貴，性價比超高。以下係必食推介。吞拿魚腦天壽司 $48個人認為必食既係吞拿魚腦天壽司！腦天即係吞拿魚頭頂的肉，一條吞拿魚得兩塊，入口即溶！對比拖羅反而無咁多根，魚味濃。好多餐廳都未必食到。😂火炙大吞拿魚腩海苔壽司 $50油脂豐富，唔使點鼓油食，紫菜包住中和拖羅既油，入口軟滑，魚味濃，食一件已經好飽。大吞拿魚鮫壽司（kama toro）$68慰勞下自己揀左隻最貴既拖羅，油脂甘香，回味無窮，好好食。螢光魷魚軍艦$38 螢光魷魚爽脆，濃淡恰到好處。入口涼涼地，口感順滑，推介一選。其他仲有性價比一流既壽司，三文魚 牛油果 蟹棒 北寄貝 等等都好扺食。