炳記西餐館

Open Now

Now Closed

想食煲仔飯，好耐㗎喇，喺荃灣好少地方有得食，見到呢間有就入去試吓啦！夥計服務態度好好，跌咗筷子佢話得唔使執我幫你，然後即刻攞隻新筷子俾你，你俾個眼神佢，佢就準備俾你，醒目到不得了👍🏻👍🏻 平時茶餐廳都唔好意思問人攞多隻碗仔講返食物，我就嗌咗冬菇雞臘腸煲仔飯，大概等咗半個鐘，好快就有，同埋啫啫通菜，冬菇雞臘腸煲仔飯，成件事個味道都好淡，食唔出有冬菇雞味😓，又冇臘腸味，可能因為得一條臘腸啦，連煲仔飯嘅燶味都唔出😳而個啫啫通菜，用鐵板上，上枱熱辣辣啫啫聲，所以叫啫啫通菜，好味，鹹鹹地要送飯，菜裏面有啲鹹魚、蒜頭、辣椒咁好足料，鹹香味十足，好惹味，送飯一流👏🏻