都佐 (Closed)

Lunch time啲荃灣搵嘢食，搵到呢間食咖喱嘅餐廳。裝修有日式西餐嘅感覺，入到去首先遇到殷勤嘅店員。淨係環境同服務已經好加分。坐低之後店員見我行到身水身汗，就主動俾杯冰水我。哇，香港原來仲有態度咁好嘅小店。佢擺低餐牌，順便介紹佢哋岀名嘅咖哩。咖喱有除咗牛肉雞肉呢啲大路咖喱之外，仲有野菜咖喱。店員介紹咖喱汁加咗蘋果蓉，食落令咖喱無咁濃味，正好適合我因為天氣熱唔想食太濃味食物嘅胃口。嚟到碟飯就係圖入面咁，賣相係靚嘅，不過只係野菜又收成$108一份，令我好期待呢碟飯有幾咁神奇。食落係好味嘅，不過咖喱偏辣，蓋過咗期待中嘅蘋果蓉味道。如果要食環境食服務，呢間絕對推介。如果想食有驚喜嘅日式咖喱，只可以話佢好食過超市買到同連鎖店嘅日式咖喱，不過就未必有店員講到咁驚喜喇。