花居酒屋 (Closed)

荃灣有好多小店, 今次揀左<花 居酒屋>, 用左Openrice訂位好方便, 去到直接入座唔洗再等! 餐廳做緊午市定食買一送一, 連星期日都有, 非常抵食海膽魚生丼魚生有好多款, 包括有三文魚、甜蝦、北寄貝、油甘魚、帶子、三文魚籽同埋海膽, 估唔到都有幾多款, 份量十足! 魚生食落都幾新鮮, 厚薄適中, 海膽完全冇腥味, 抵讚! 而碗飯入面仲有玉子+生薑片, 伴飯食唔錯! 另外定食仲跟埋麵豉湯, 茶碗蒸, 中華沙律同日式沙律!! 麵豉湯&中華沙律就正正常常, 而茶碗蒸d蛋好滑, 有蟹柳同菇! 日式沙律d菜都好新鮮, 配上芝麻醬! 好fresh☘️極上壽司定食壽司有10件+2個小卷物, 包括有:三文魚、油甘魚、北寄貝、帶子、赤蝦、鰻魚、蟹籽、海膽、吞拿魚蓉小卷物2件、玉子2件壽司整體都好新鮮, 魚生入口鮮甜, 個人覺得最好味係帶子, 厚切得黎又鮮甜! 回味無窮~~ 另外仲有一碗烏冬, 好好味好彈牙, 餐廳仲好細心有提供到七味粉, 令烏冬食落更加香口! ▪️整體呢間居酒屋性價比真係超高, 嘢食新鮮好味之餘, 價錢又平, 兩個人埋單$200有找, 真係超抵食!! 十分推薦~~