Video
Read full review
2021-11-25
175 views
最近返工好忙，所以收工都想食餐好嘅慰勞自己😝見到荃灣幾近我同朋友返工嘅地方，又好耐冇去過，所以就揀咗呢間評價唔錯嘅西餐食飯~~~🦀️帝王蟹餅配蛋黃芥末醬($98)🪄7.2/10蟹餅細細件幾精緻，表皮煎得幾香脆口，切開見到入面勁多蟹肉，外脆內軟(˶‾᷄ ⁻̫ ‾᷅˵)咬落去啖啖蟹肉超滿足😆啱曬平時懶得拆蟹肉食嘅我蟹肉仲保留到鮮味，食得出唔係用平價急凍蟹肉製作，而且食落都唔會太乾😋唯一要挑剔就係食到少少蟹殼，不過人手拆殼都正常可以接受的～.🥘法國麵包蟹燴意大利飯($258)🪄7.4/10本身以為係普通一碟飯咁上，點知個飯砌得好靚😻面頭插咗脆條、芝士脆片同兩隻蟹腳仔，宜家睇翻啲相發覺佢擺到有啲似海底世界🤣🌊🦀講翻個義大利飯，食落好creamy飯粒軟硬度適中，飯嘅份量都唔少！間唔中仲食到一絲絲蟹肉，進一步帶出蟹肉嘅鮮味👍.🍗法式油封鴨腿配鴨胸,芒果香橙莎莎($338)🪄7.8/10全晚最驚艷就係呢碟！🤩我地係嗌set dinner的，所以佢仲包左餐湯、頭盤同埋甜品，計埋都幾抵食😎🔸餐湯我本身麻麻地羅宋湯，所以出街通常係嗌白湯但估唔到呢個湯幾好飲喎，濃得黎又有夠曬鮮味，底部有好多蔬菜，睇得出好足料～伴碟
見到荃灣幾近我同朋友返工嘅地方，又好耐冇去過，所以就揀咗呢間評價唔錯嘅西餐食飯
~~~
🦀️帝王蟹餅配蛋黃芥末醬($98)🪄7.2/10
蟹餅細細件幾精緻，表皮煎得幾香脆口，切開見到入面勁多蟹肉，外脆內軟(˶‾᷄ ⁻̫ ‾᷅˵)
咬落去啖啖蟹肉超滿足😆啱曬平時懶得拆蟹肉食嘅我
蟹肉仲保留到鮮味，食得出唔係用平價急凍蟹肉製作，而且食落都唔會太乾😋
唯一要挑剔就係食到少少蟹殼，不過人手拆殼都正常可以接受的～
.
🥘法國麵包蟹燴意大利飯($258)🪄7.4/10
本身以為係普通一碟飯咁上，點知個飯砌得好靚😻
面頭插咗脆條、芝士脆片同兩隻蟹腳仔，宜家睇翻啲相發覺佢擺到有啲似海底世界🤣🌊🦀
講翻個義大利飯，食落好creamy
飯粒軟硬度適中，飯嘅份量都唔少！
間唔中仲食到一絲絲蟹肉，進一步帶出蟹肉嘅鮮味👍
.
🍗法式油封鴨腿配鴨胸,芒果香橙莎莎($338)🪄7.8/10
全晚最驚艷就係呢碟！🤩
我地係嗌set dinner的，所以佢仲包左餐湯、頭盤同埋甜品，計埋都幾抵食😎
🔸餐湯
我本身麻麻地羅宋湯，所以出街通常係嗌白湯
但估唔到呢個湯幾好飲喎，濃得黎又有夠曬鮮味，底部有好多蔬菜，睇得出好足料～
伴碟仲有塊類似酥皮嘅可以點湯食，特別得來又幾索湯
但成個湯最神奇係呢兩樣嘢本身係冇海鮮成份，但唔知點解夾埋會食到海鮮味，但分開食又冇😂😂
🔸頭盤
半熟吞拿魚點沙律醬幾好味，魚肉新鮮，三文魚籽都鮮甜
🔸主菜
本身對佢冇特別有期望，點知全晚最驚艷就係佢❤️🔥
首先層皮超級香脆，好似食緊乳豬皮咁🤤完全彌補咗我冇嗌西班牙乳豬嘅遺憾xd
鴨髀唔算肥，食落一啲都唔騒～
肉汁緊緊鎖住，所以鴨肉幾嫩滑，又夠入味(⁎⁍̴̛ᴗ⁍̴̛⁎)
而兩舊鴨胸就正正常常～隔離有Salsa解下膩
🔸甜品
呢日供應嘅係麵包布甸
食落唔算好甜，偏硬身，加埋煉奶同朱古力醬食好邪惡😈
.
🍹Passion($68) 🪄7.5/10
🍹Girls Generation($68) 🪄7.3/10
呢兩杯mocktail個杯超得意🤣朋友見到即刻忍唔住要同佢打卡📷
前者主要係百香果味，酸酸甜甜開胃又好飲👅
而後者就甜少少，上面仲有個冰兜仔裝住啲草莓粒🍓
兩杯都好refreshing，不過個人鐘意passion多啲😆😆
同埋餐廳將果汁雪成冰，所以飲到最後味道都唔會變淡🤗
~~~
⭐️回頭指數🌕🌕🌕🌕🌘
估唔到荃灣街邊都會有高質嘅西餐🤓
無論係餐廳signature，定係random嗌嘅菜式都發揮得好出色👍
雖然價錢偏貴，但食完之後我覺得食物同服務質素都對得住呢個價錢
除咗食物質素，都好欣賞就係呢度嘅擺碟，每一碟都有悉心裝飾過，好igable😍
所以我po ig story之後都有好多朋友問係邊間餐廳😇😇
Post
