Video
Read full review
2024-07-08
60 views
泰Grill今次要介紹喺荃灣一間泰國菜餐廳「泰Grill」，佢哋呢間泰國菜餐廳係由泰國廚師主理，怪唔知午市都勁多人排隊，因為呢間泰國菜餐廳嘅午市真係超抵食，主菜叫完必定叫小食同甜品，呢度小食同甜品平過出面好多，真係性價比好高！呢間泰國菜餐廳門口係有一級，我又係出動我塊斜板嘅時候，餐廳嘅裝修好簡約，座位一邊是係梳化，另一邊係可移動嘅櫈，連枱面都可以移動，咁樣先方便輪椅人士埋枱食野！1.冬陰功湯雞肉金邊粉$68+凍檸檬水$5+炸蝦餅$38+椰汁糕$18（9.5/10）呢碗冬陰功湯雞肉金邊粉份量算多，冬陰功湯底酸酸辣辣好惹味，雞肉肉質唔韌，金邊粉好爽滑，而且非常掛汁，套餐加凍檸水只係$5，凍檸水係用青檸檬，再加炸蝦餅只係加$38就有4大舊蝦餅，蝦餅彈牙，外面好香脆，最後再加個$18椰汁糕嘅甜品，椰汁糕就8舊，口感似大菜糕，上層係椰汁，下層係椰青水，甜度適中，呢個套餐超唔錯！2.泰式海南雞飯$70+珍多冰$15+春卷$18+椰汁西米露$28（8.5/10）呢碟泰式海南雞飯個雞件肉質比較結實，其他配菜仲有蕃茄仔同幾片青瓜，我仲加咗$15要一杯珍多冰，嚟到食泰國菜一定要試珍多冰，珍多冰飲到香濃椰汁
今次要介紹喺荃灣一間泰國菜餐廳「泰Grill」，佢哋呢間泰國菜餐廳係由泰國廚師主理，怪唔知午市都勁多人排隊，因為呢間泰國菜餐廳嘅午市真係超抵食，主菜叫完必定叫小食同甜品，呢度小食同甜品平過出面好多，真係性價比好高！
呢間泰國菜餐廳門口係有一級，我又係出動我塊斜板嘅時候，餐廳嘅裝修好簡約，座位一邊是係梳化，另一邊係可移動嘅櫈，連枱面都可以移動，咁樣先方便輪椅人士埋枱食野！
1.冬陰功湯雞肉金邊粉$68+凍檸檬水$5+炸蝦餅$38+椰汁糕$18（9.5/10）
呢碗冬陰功湯雞肉金邊粉份量算多，冬陰功湯底酸酸辣辣好惹味，雞肉肉質唔韌，金邊粉好爽滑，而且非常掛汁，套餐加凍檸水只係$5，凍檸水係用青檸檬，再加炸蝦餅只係加$38就有4大舊蝦餅，蝦餅彈牙，外面好香脆，最後再加個$18椰汁糕嘅甜品，椰汁糕就8舊，口感似大菜糕，上層係椰汁，下層係椰青水，甜度適中，呢個套餐超唔錯！
2.泰式海南雞飯$70+珍多冰$15+春卷$18+椰汁西米露$28（8.5/10）
呢碟泰式海南雞飯個雞件肉質比較結實，其他配菜仲有蕃茄仔同幾片青瓜，我仲加咗$15要一杯珍多冰，嚟到食泰國菜一定要試珍多冰，珍多冰飲到香濃椰汁再加綠豆粉條，再加春卷只係加$18，春卷有4大舊，每一舊春卷入面個餡都係素菜，最後再加個$28椰汁西米露，一共有4舊椰汁西米露，食落食到好香濃椰汁味，仲有粟米粒、西米露同芋頭粒，呢個套餐都算抵食！
3.串燒（2牛，1雞）$48（9.5/10）
呢間叫串燒有得揀要幾串豬牛雞，我揀咗2串牛同1串雞，其他泰國餐廳好少比人揀，呢3串串燒都燒得唔錯，唔會燒到好乾身，每一串串燒面頭都好似搽咗蜜糖，帶有少少甜，仲可以點埋泰式沙爹醬，呢個沙爹醬帶少少花生醬味！
4.泰式酸辣鳳爪沙律（少辣少酸）$68（9.5/10）
呢碟泰式酸辣鳳爪沙律個酸辣程度啱啱好，因為點餐時可以喺apps度打備註，我叫咗小酸小辣，無骨鳳爪大約都有15舊，其他配料包括有生菜、紅蘿蔔絲、番茄仔同洋蔥等，非常抵食！
2人總共價錢$366
個人口味總評分：9.25/10
@thaigrillhk
地址：荃灣享和街53號都城大樓地下E1號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#泰Grill #荃灣好去處 #荃灣美食 #thaigrill #thaigrillhk #中環泰國菜 #將軍澳泰國菜 #荃灣泰國菜 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
Post
