天 · 悠蔬食 (Closed)

平時食得多肉，有時都想食下素食。今日就同朋友lunch去食天悠素食。店舖裝修顏色夢幻，座位舒服。今次我地叫午市套餐包括：前菜、湯、主食、飲品湯：分別叫左中湯、西湯各一，想試下有咩分別。西湯係南瓜湯。中湯好滋潤。黃金素叉燒飯配蕃茄炒滑蛋：滑蛋一流，估唔到重好食過出面茶餐廳。牛油果新吞拿焗長通粉：新鮮焗出黎，熱㷫㷫。第一次食牛油果係以焗嘅方式，好特別。如果唔講係素食，完全不覺得自己食緊素食，有驚喜！原來依家素食已經咁有創意，同埋咁多款式，下次一定會再過黎試其他菜式。