雅高·33

Open Now

Now Closed

雅高什扒餐（$78）有是日餐湯（羅宋湯，多蔬菜）、牛角包（微暖）、餐飲。什扒有雞扒、豬扒、德國腸、雞翼、煎蛋、沙律菜、意粉/白飯。味道正常茶餐廳貨色，但勁大份，一定飽肚，啱哂食肉獸。商務午餐：德國咸豬手配蜜糖芥末醬（$115）同樣有是日餐湯、牛角包、餐飲。可配薯菜/白飯/意粉。咸豬手即製，大約需時十數分鐘。份量正常，有半隻，外皮脆，肉質還可以（因為有少少 over cook）。味道夠但唔會太咸。下午茶：西班牙風情薄餅（$70）同樣即製，大約需時十分鐘。12吋超薄脆餅底，好鍾意食呢類型嘅薄餅。配料有沙樂美腸、橄欖、三色椒、洋蔥、芝士。熱辣辣嘅 pizza 沒有不好吃的理由。PS：沒有加一服務費。