Video
Read full review
2023-07-16
559 views
御名園 (荃灣)📇地址：荃灣眾安街68號荃灣千色匯I期5樓5A號舖🕐營業時間：星期一至日08:00-16:00；18:00-23:30💸人均消費：～$200/人(晚飯)👏🏻抵讚位：坐得都尚算舒服，雖然同隔離枱痴得都有啲埋。欣賞佢啲小食比其他酒樓多，同埋都有特色，比較少見。🍴Food QC：「冰爽鳳爪手 $48」凍嘅白雲鳳爪，不過個顏色係平時啲蒸鳳爪，同埋辣辣地，完全無特別嘅小食😂 本身想叫豬手，話無，就叫左呢個「星洲金沙脆魚皮 $58」咸蛋黃包住啲魚皮，入口脆卜卜，食到落左好蛋咸蛋黃，所以都有啲咸🥲「金獎蝦醬海珊骨 $108」又係有啲重口味嘅一味餸，鍾意食重口味肥豬肉嘅人啱哂，啲豬肥膏居多，同埋又係過咸😅「蜂蜜柚子脆蝦球 $128」好食啲嘅一道菜，蝦好大隻，外層炸皮脆卜卜，加埋啲柚子蜜淋喺面，甜甜地，啲蝦又大大隻，食得好滿足😆「精品黑豚叉燒皇 $128」好食嘅叉燒，肥叉，所以入口好鬆化，係無平時酒樓嘅例牌叉燒咁多，但食得出佢係有用心整嘅😃😯有待改善位：想食豬手，話無，想食千葉豆腐煲，又無。仲要我地係晚市最早個枱客，想叫乜就無乜😅 樓面啲伙記好似得某幾個識落單咁😅 想加單都要等佢地識落單
📇地址：荃灣眾安街68號荃灣千色匯I期5樓5A號舖
🕐營業時間：星期一至日08:00-16:00；18:00-23:30
💸人均消費：～$200/人(晚飯)
👏🏻抵讚位：坐得都尚算舒服，雖然同隔離枱痴得都有啲埋。欣賞佢啲小食比其他酒樓多，同埋都有特色，比較少見。
🍴Food QC：
「冰爽鳳爪手 $48」
凍嘅白雲鳳爪，不過個顏色係平時啲蒸鳳爪，同埋辣辣地，完全無特別嘅小食😂 本身想叫豬手，話無，就叫左呢個
「星洲金沙脆魚皮 $58」
咸蛋黃包住啲魚皮，入口脆卜卜，食到落左好蛋咸蛋黃，所以都有啲咸🥲
「金獎蝦醬海珊骨 $108」
又係有啲重口味嘅一味餸，鍾意食重口味肥豬肉嘅人啱哂，啲豬肥膏居多，同埋又係過咸😅
「蜂蜜柚子脆蝦球 $128」
好食啲嘅一道菜，蝦好大隻，外層炸皮脆卜卜，加埋啲柚子蜜淋喺面，甜甜地，啲蝦又大大隻，食得好滿足😆
「精品黑豚叉燒皇 $128」
好食嘅叉燒，肥叉，所以入口好鬆化，係無平時酒樓嘅例牌叉燒咁多，但食得出佢係有用心整嘅😃
😯有待改善位：想食豬手，話無，想食千葉豆腐煲，又無。仲要我地係晚市最早個枱客，想叫乜就無乜😅 樓面啲伙記好似得某幾個識落單咁😅 想加單都要等佢地識落單嘅同事幫手
😼私心回應區：用某app訂位，食1730，有半價。半價食就當然好抵，係加一用番原價，其他野都半價計。如果無半價就唔多抵食了。
Post
