炑八韓烤 (荃新天地2)

Open Now

Now Closed

心思思想食韓燒，就去咗荃灣荃新天地食呢間，地點方便易搵餐廳裝潢舒適，地方好大，座位幾闊落；抽氣抽得好掂，怕油煙味嘅朋友可以放心嚟💙一坐低店員會奉上前菜、爐邊蛋同芝士，熱溶嘅爐邊芝士可以無限refill👍🏿🥢食得韓燒唔嗌返條五花腩成何體統🤭五花腩好厚身，夠邪惡～ 燒嘅時候豬油洶湧澎湃而出，燒完之後啲油出咗嚟就冇咁肥，加上我地燒烤技術幾好🤣燒到外邊脆脆哋，特別香口～配少少泡菜包住生菜一齊食正！仲有南瓜片、冬菇等蔬菜，食完之後好飽🥢蔥蒜牛五花上枱前已經醃好咗，味道唔錯，燒兩燒已經可以食😌🥢八爪魚好巨型，彈牙有咬口，充滿韓式辣醬嘅甜甜辣辣味道；自己唔食得辣特登嗌咗小辣，唔使狂飲水🤭🥢泡菜煎餅，外邊焦脆，但餅身軟淋淋，夾起好易散，好在泡菜足料🥢韓式水冷麵，食韓燒多數最後會食碗水冷麵解吓膩，特別多醋，上面配料有醃蘿蔔同青瓜等，感覺涼快，瞬間降溫，好啱而家呢個天氣食🧊🥢薄荷荔枝梳打 + 菠蘿梳打