悅知味中泰越風味融合菜

Open Now

Now Closed

之前搭車經過見到開咗呢間新嘅餐廳，入到嚟環境好闊落，燈光都好夠，裝修俾人好有氣派嘅感覺。職員服務態度親切，仲會主動收碟同fill水。午市免收加一，晚市就會有加一服務費。🐓泰式無骨海南雞飯 $88海南雞雞肉嫩滑，食落鹹鹹地，點埋佢個酸辣汁真係勁好食😋。個飯旁邊仲有好多配菜，包括醃紅蘿蔔🥕、白蘿蔔、青瓜🥒等等。食完個飯職員仲會送上免費西瓜🍉。🥭芒果糯米飯 $33呢個必點！係我食過最好食嘅芒果糯米飯，而且份量啱啱好夠晒一個人食。芒果🥭好甜配埋香濃的椰醬同兩球糯米飯，好滿足呀☺️。🥥椰青 $43食完個飯有啲頸渴，飲埋個椰青解渴又消暑。