牛極 (大河道) (Closed)

今日收工特登約咗朋友去食荃灣鐵牛嘅熱石燒牛扒，好耐未食過啦！店內天花板放左好多把日本嘅和紙遮，超有日本味道，簡而清嘅設計。 舖面地方呈長條型，枱與枱之間都有一定嘅距離，感覺舒服。即使成間舖頭嘅人都食緊石燒，都唔會煙霧離漫，攻到成間餐廳都係。 一間店有三部冷氣，所以抽風系統好好。一入到去，就自行去自動販賣機買自己喜歡嘅牛品種燒。 我哋叫咗180g 重嘅牛柳（$115），然後就可以去店中間自助任拎，日本飯、牛尾湯同埋椰菜絲沙律。 一上枱，有一張抹手紙蓋住熱辣辣嘅牛柳，防止彈到客人同送菜出來嘅店員。 石燒溫度超高，牛柳亦非常有牛味，冇筋、肉質脂肪比較平均，口感非常嫩口，彈牙。 用石頭燒嘅好處，係可以自行燒到啱自己嘅熟度，同令牛肉溫度keep 住高溫，食牛最緊熱，凍咗冇咁好食。 喺枱上面，仲有三枝調味料（有鹽、蒜片同胡椒）俾你加落舊牛肉上燒。