草民 (Closed)

同好姊妹喺尖沙咀行咗成日街，又係時候醫肚喇。喺尖沙咀食lunch，排隊絕對係一個考驗耐性大挑戰，加上我哋攞住一袋二袋又諗住Girl's talk，地方太狹窄又唔坐得耐嘅地方都唔no way。係呀，我哋係港女嚟架，不過，港女就最識食！今日就嚟到出名多嘢食嘅厚福街，搵到呢間好有文青feel嘅cafe，今日就等我哋姊妹淘啦！秘製雞中翼：10個女仔，真係11個都鍾意食雞翼架，呢度嘅秘製雞翼，外表脆卜卜，裡面就好sweet好juicy！唔錯。黑松露野菌意大利飯：黑松露加野菌真係無得輸，仲要配埋好creamy嘅意大利飯，食落唔溜仲好香，粒粒飯都有好濃郁嘅黑松露味架。經典卡邦尼意粉：白汁同茄汁2揀1，我一定係揀白汁，因為我真係好鍾意好creamy嘅嘢架！呢個卡邦尼意粉，啜每條意粉都好多忌廉汁，真係heavy得嚟又食唔停口呀！爆脆草地滾球：碟上鋪滿抹茶金寶，上面仲有好大個朱古力波同大蝴蝶，我哋用上小木槌大大力敲碎朱古力波，裡面就見到甜酒啫喱、朱古力脆米同芝士蛋糕雪糕，真係睇得又玩得！