Video
Read full review
2010-09-16
144 views
我奉勸所有唔係熟客既人唔好幫襯今日老闆請食飯，我地一行七個人 book 左一點鐘。去到果陣係 12:57，佢竟然話未有檯。聽 d 知客間既對答，張檯竟然係俾左一個唔知咩太既熟客！都算，佢地然後同我地講有第二張台埋緊單，叫我地睇住食咩先。我地一等就等左四個字，到一點四。催個知客，佢只係黑面地講左句「等陣啦！」，然後直情失蹤，想催都催唔到。等到唔耐煩，見到佢地執緊一張檯於是我地就行入去 hau 住張台到佢地執到咁上下，老闆叫我地唔好理佢，坐低左先果然，一坐低個知客就埋黎話呢張台係呀朱太架喎!!!!!!我地當然同佢理論，然後照坐。我地訂左係一點鐘，你地自己將張檯俾左熟客，對唔住都唔講聲，仲想俾多檯熟客打尖？當我地 lulu 呀！我地同行仲有大肚婆，於是同佢講話我地等左四個字，仲有個大肚婆，佢先唔再出聲。個知客全程仲要十問九唔應，黑晒面咁，見到都唔開胃。後來我地坐低叫完野食到開始上菜，見到外面個疑似朱太仲呆等中。如果唔係咁夾梗坐低，我諗我地一點七都唔使旨意有位。荒謬既事豈止於此。我地有位同事隻杯有 d 唔知污糟定點，同個服務員姐姐講佢睇一睇，竟然好串咁話「呢 d 唔係污糟，係裂左！」真係 th
今日老闆請食飯，我地一行七個人 book 左一點鐘。去到果陣係 12:57，佢竟然話未有檯。聽 d 知客間既對答，張檯竟然係俾左一個唔知咩太既熟客！都算，佢地然後同我地講有第二張台埋緊單，叫我地睇住食咩先。
我地一等就等左四個字，到一點四。催個知客，佢只係黑面地講左句「等陣啦！」，然後直情失蹤，想催都催唔到。
等到唔耐煩，見到佢地執緊一張檯
於是我地就行入去 hau 住張台
到佢地執到咁上下，老闆叫我地唔好理佢，坐低左先
果然，一坐低個知客就埋黎話呢張台係呀朱太架喎
!!!!!!
我地當然同佢理論，然後照坐。我地訂左係一點鐘，你地自己將張檯俾左熟客，對唔住都唔講聲，仲想俾多檯熟客打尖？當我地 lulu 呀！我地同行仲有大肚婆，於是同佢講話我地等左四個字，仲有個大肚婆，佢先唔再出聲。
個知客全程仲要十問九唔應，黑晒面咁，見到都唔開胃。
後來我地坐低叫完野食到開始上菜，見到外面個疑似朱太仲呆等中。如果唔係咁夾梗坐低，我諗我地一點七都唔使旨意有位。
荒謬既事豈止於此。我地有位同事隻杯有 d 唔知污糟定點，同個服務員姐姐講
佢睇一睇，竟然好串咁話
「呢 d 唔係污糟，係裂左！」
真係 thank you for your information! 俾隻爛杯人仲要咁惡。咩原因都好，你都係要換過隻杯俾客架啦。咩態度！
全間野只有一個女服務員係似樣少少，識一眼關七，見我地埋單埋左五分鐘都未埋到，主動幫我地追收銀。(最後收銀碌卡又碌左五分鐘…又係呢位姐姐幫我地追，我地先可以埋到張單…)
老實說，味道係好既。以中環黎講，有點心食既地方唔多，呢間既質素算係唔錯。但原來訂左檯都可以俾熟客話打尖就打尖，仲要好似我地得罪佢咁，做咩生意呀呢間野？？？
以後情願去遠少少既紫玉蘭同潮庭都唔去呢間。貴就大家都貴，人地果度起碼叫做 reasonable，貴都貴得 gur d！
Post