荔園茶餐廳 (Closed)

荔園開咗茶餐廳，純粹係肚餓經過，就入黎試下。Menu入邊都有幾多唔同又特別嘅選擇，我係菠蘿冰同黑牛之間掙扎左好耐，最後都係揀左聽落健康啲嘅菠蘿冰。黎到之後又有驚喜，菠蘿汁竟然係自己整，係幾過癮，飲落略為太甜，但啲菠蘿幾好食。野食方面我就叫左個焦糖温泉蛋西多士，糖漿轉用焦糖，幾好食；温泉蛋同西多士我真係未食過，但係又出奇地幾夾。成個西多最令我出奇嘅係冇花生醬，平時食曬成塊西多會覺得好膩好辛苦，但呢個冇帶咁嘅感覺比我。呢到嘅西多，值得一試。