荔園茶餐廳 (Closed)

同朋友出開尖沙咀行街，見有啲餓時間又尚早，就決定去荔園食個下午茶，貪佢平平地又坐得舒服。上菜速度幾快，落單後十分鐘就上哂。干炒牛河口感偏油膩，但都係意料之內。落左唔少韮菜同洋蔥炒，香口但唔夠獲氣，牛肉片都算多同幾大塊。粒粒西多大小均稱、呈金黃色，賣相幾吸引，但入口微溫、感覺似擺左陣淋左唔少糖漿，幾夠味，入口都有牛油香，麵包幾鬆軟，但外圍唔夠脆口。菜蜜調得過甜，幸好有檸檬中和一下。整體而言，價錢同質素對比表現不過不失，勝在坐得舒服，只係餐廳走樂園路線，小朋友比較多，環境大部分時間都比較熱鬧，如果想靜靜地既話建議都係去返coffee shop

童年時逢開窗便會望見會飛大象. 大象, 就是帶給人歡樂. 很童真. 荔園的大象天奴, 更多有如此感覺. 因此, 荔園的迷你流心奶黃月餅, 就有這個天奴燈籠特別版, 小晴晴拿著這燈籠過中秋, 當然高興.迷你流心奶黃月餅 $388 打開燈籠, 內裡的就是迷你流心奶黃月餅. 或許流心度是一般, 但奶皇是香甜的, 餅皮亦夠鬆化.吃完月餅, 就可以提起天奴燈籠去賞月. 留意, 背部的香蕉會透出黃光, 天奴當然最愛吃香蕉!中秋賞月, 小晴晴高興的提起荔園的天奴燈籠特別版. 童年就是應該如此.

對荔園的最深印象, 相信還是大象天奴, 您有買過香蕉給牠吃嗎? 荔園這年的迷你流心奶黃月餅, 推出了天奴燈籠特別版, 就讓我們回到過去.迷你流心奶黃月餅 $388: 8分, 這客迷你流心奶黃月餅, 用上天奴燈籠作包裝.不過大家就要做點小手工, 去為大象天奴加上雙耳及長鼻子.完成後, 就是可愛的大象天奴.天奴還是電燈籠, 背部的香蕉會透射黃光, 看上去, 也真像一條條的香蕉. 畢竟, 天奴跟香蕉是分不開的.至於迷你流心奶黃月餅, 流心度只算麻麻, 餅皮算幾鬆化, 奶皇味道就挺香甜的. 小晴晴是吃得幾滿意的.大象天奴加上香蕉, 就是荔園的迷你流心奶黃月餅 ~ 天奴燈籠特別版. 可愛的天奴燈籠, 小朋友當然喜歡!

環境：⭐️⭐️⭐️⭐️店內環境與普通茶記無咩分別，但天花掛上很多白色木馬，牆壁有很多懷舊荔園海報，另有一番情調！餐廳以淺色為主，感覺清新，地方亦很乾淨衞生。不過如果能加少少兒歌做背景音樂更正！食物：⭐️⭐️⭐️⭐️下午茶有十多款選擇，價錢不算貴，($40-$60)左右，三文治有六款材料選擇，可雙拼！鮮茄炒蛋三文治很足料，炒蛋亦很滑！隔離枱飲嘅菠蘿冰，更附上半個新鮮菠蘿仔比客人自己榨汁，夠晒特別，下次一定會試！服務：⭐️⭐️⭐️⭐️店內整體侍應年輕有禮，落單同上菜速度都很快！註：⭐️⭐️⭐️⭐️⭐️五星為最高分，⭐️一星為最低分

偶然發現荔園在尖沙咀，便去試一下。現在已沒有荔園遊樂場，只餘下這間餐廳吧！ 印象中荔園餐廳之前不是在尖沙咀開的，可能是新搬來吧！裝修用上荔園式的海報畫，加上白色木馬，門口當然少不了以前荔園的字體和公仔吧！（這是出賣年齡系列）說回食物： 是次由於時間已過下午茶餐，不過未想吃晚餐，於是點了似下午茶的食物：1）餐廳推薦的煎pan粒粒西多士2）豬扒飽3）凍0茶+熱檸蜜上菜快，食物味道也很不錯，份量適中剛剛好，豬飽脆，西多甜有機會下次試午餐或晚餐吧

睇見個內在裝潢都知主打懷舊茶記食品，入去見到好多嘢都係想打造回憶70年代嘅相片。但係打開餐牌啲食品一般都係茶記嘅嘢，並非真係全部舊式食品。可算係集合新舊於一身，可讚!但係茶記食品並非只為頂肚，食品質素都好緊要。呢度普普通通囉，唔會有乜驚喜。因為佢唔會用什麼特別食材做特別嘅嘢，粒粒西多反而我個人覺得麻麻。因為出嚟已經有晒糖漿喺面，淋咗。冇辦法呢個年頭食材來貨咁貴，做乜都要計成本呢樣我知嘅。所以都係正正常常嘅茶記，單價貴啲係地利環境同裝修，都係合理嘅。一讚係服務員，態度好嘅。簡單上菜講一句"請慢用"已經係茶記之中少有之中嘅少有。

第一次食荔園，有驚喜，必試招牌焗芝士鮮茄雜菜汁豬扒飯同荔園炸雞髀，豬扒飯好juciy抵食！超大份量豬扒，兩個人食都夠晒飽，芝士同茄汁撈埋，真係無得輸；炸雞髀外脆內嫩～

適逢朋友結婚，時間尚早但有少少肚餓，就入黎一試，本來想食個茶餐，不過時段已過。見到特飲有新鮮菠蘿冰一般餐廳用的多是罐頭貨，比較少見用新鮮的，本人覺得很好，所以一試。上檯一杯菠蘿冰加半個菠蘿……原來是要自己榨汁，再溝入菠蘿冰，感覺很有新鮮技術足，搾得不多，所以用匙羹挖，連汁連肉，正。不過我喜歡有人代勞多D,因為好難下。另外叫了炸鷄肶配薯角。鷄肶超大隻，有圖有真相。皮脆肉嫩，薯角香口！正呀！

叫左佢嘅蘑菇火腿奄列沙律, 沒有什麼期望， 食物來到首先賣相很不錯, 黃色一邊，綠色一邊，奄列夠熱, 少鹽, 沙律菜很新鮮，配 thousand island salad dressing，很配合，很美味! 食物比一般茶餐廳高級! 亦美味！見到鄰枱叫的食物份量很多，很大碟，會再來嘗試其他菜式及推介給朋友！

不錯的餐廳，茶餐廳來説服務一流。一入到餐廳內職員好友善詢問我地想坐休麼位仔，由於是下午茶時段 不是太多人。我打開餐牌叫食物甚為吸引，跟住就叫一個焗飯和粒粒西多士。整體來説 ，都不錯有機會再來

荔園茶餐廳開咗咁耐，終於預啱時間嚟試一試！估唔到呢度嘅鐵板餐都幾大份！熱辣辣鐵板海陸空雜菜薯角配砵酒汁砵酒汁一淋，香氣四溢。雞扒嫩滑多汁又夠大塊、豬扒熟成剛好、都非常嫩。蝦都幾大隻，同帶子一齊食鮮味加分！配菜都唔輸蝕，芝士蕃茄，又酸又咸香夠晒惹味，西蘭花仲有脆薯角。呢度最過癮就係可以親手搾菠蘿冰，半個菠蘿連手動搾汁器一同上台，仲有一半杯梳打汽水。都要用啲力，奶力都出埋嘅成果倒完之後，剛剛好再多少少，有得玩，有好嘢食，滿分！

去咗荔園食下午茶。點咗個雜果啫喱。個餐廳好懷舊。是邱德根兒子邱達根打本的。橫裝好重荔園feel。個啫喱售價$28。加入花奶就好正。個啫喱好重士多啤梨味。入口即溶，好食。個碟重印咗荔園個貓logo。建議如果行開The One商場，走去這間餐廳懷舊一番。

充滿童年回憶的荔園有限公司今年更推出了精美賀年禮盒，令我這個70後可細意回味！！ 回到家中打開禮盒見到充滿歡樂而可愛的荔園孖寶與城堡一同彈出來跟我拜年，喜慶之情洋溢令我想起天奴！年青的您可知荔園曾有大笨象呢！曳曳的牠最愛向遊人撒嬌噴水取香蕉。 盒內共有30件蝴蝶酥及曲奇，4款口味包括鬆脆可口的蝴蝶酥、口感豐富的橙皮曲奇、香濃美味的朱古力曲奇，及經典口味的牛油曲奇，多款口味最合貪心的我。 另外盒中荔園孖寶更可以取出成為實用利是封，連隨盒共有3套共6個利是封，造型可愛真心不捨用掉，2月11前訂購可享優惠價按此訂購，將美好的童年回憶送給摯愛親朋吧！

The shop front is very pretty with an amusement park theme. So apparently the mascot was actually of an old HK amusement park of the past.We ordered a chef recommended caramel poached egg French toast and Chicken cutlet curry instant noodle.To be honest, I was shocked when the food arrived because it looked like poached egg making gone wrong. If you go past the look of it, it’s a normal French toast with a sad looking egg. Oh well so, stick to what others ordered which is the small bite French t

年輕一代對「荔園」認識不大，但對於筆者以及不少中年、老年、土生土長的香港人來說就甚具意義。「荔園」於1949年開業，當年的香港並沒有太多休閑設施，一般香港人更加沒有什麼假日消閑活動可言，「荔園」的動物園及機動遊戲就成為了當年一家大細的重點加入活動，也是不少人的童年回憶時。可惜到了 1997年，始終敵不過時代巨輪的變遷而被迫結業。早兩年「荔園」曾一度在中環海濱以遊樂場形式重現，勾起大家的集體回憶。「荔園」後人形容「荔園」和茶餐廳均充滿香港本土特色，因此把兩者結合， 打造全新概念的茶餐廳，讓人回顧往日的「荔園」情懷。「荔園茶餐廳」就這樣創造出來。「荔園」的吉祥物「老虎仔」變成純白色，放在大門外做生招牌。水吧位置有寫著「荔園」的霓虹燈，非常耀眼。餐廳內的裝飾充滿「荔園」影子，好像天花上的旋轉木馬及拱形木吊燈，讓人有置身遊樂園的感覺。牆上掛了多幅以「荔園」為主題的卡通畫作，用色夢幻，帶給人客緬懷童年的無限歡樂。到「荔園茶餐廳」的客人大部分都是中年以上，為的是懷念過去。年輕人喜歡自拍及相機食先，但是筆者留意到不少中年、老人四處拍照留言，原來自拍不是年輕人的專利！飯枱用磚砌成，令筆者聯想到兒時在「