板上 (D2 Place) (Closed)

荔枝角一向是工商大廈, 早前已知道荔枝角有幢D2 place, 屬於文化創意地標, 週末有本地創作市集,又有得食, 假日當然要黎潮一潮一樓及二樓要購物商場, 三樓有多間餐廳, 見到呢間板上, 之前經過深水埗已經想試, 咁岩呢到都開左間就試試, 此店除了日式便當, 仲有薄餅同小食, 飲品有無酒精類同埋啤酒每款日式便當跟兩款小菜, 無得選擇黑草羊配珍珠飯是季節限定, 羊既份量都好多, 肥瘦適中, 有醃製過, 羊羶味較重, 再配埋旁邊既汁醬好惹味, 配埋珍珠飯真係食唔停口小食有粟米同芽菜, 整個便當可以中和返, 唔會全部都係肉小食都有好多選擇, 除左水牛城雞翼, 仲有幾款味道既雞翼選擇, 食辣之人當然水牛城, 一啖食落去辣味好搶, 酸酸辣辣, 是辣椒仔既辣, 一客6隻紫薯可樂餅, 一啖啖咬落去全部都係紫薯蓉, 甜甜地, 入面有栗子粒, 食落去特別有口感吉列蝦一客三隻, size適中, 好脆口, 外層炸粉不會太多跟餐飲品, 整體唔會太甜, 好滋潤,冬天岩晒女士們座位有高檯同正常檯, 環境都闊落, 餐廳是自助形式, 下單後留意電視號碼, 食完要有手尾, 將食盤放回回收車處