原味屋 (Closed)

身為呢一區嘅住客達10年，基本上好多餐廳都食過，連鎖連鎖餐廳真係唔使講，除非嗰日滂沱大雨或者打風又或者果日懶懶地先會去幫襯。係億利呢間工廈地舖嘅茶記，我最欣賞杯凍檸茶同奶茶，真係好得，成日會買外賣。因為工廈區，佢早午餐都爆爆地，好多office嘅人幫襯，所以佢有特別優惠，好似外賣自取減＄4，有時放假或者週末下午茶就會幫襯，製作真係幾用心，上次見我喺度等緊外賣，望緊佢哋到會嘅Menu，收銀阿姐仲會同我好有笑容咁介紹，又叫我坐住等，依家係茶餐廳真係好少見。