The Americano By Texas Burger (Closed)

難得有幾日連假，同朋友去荔枝角D2 Place行街，再嚟Americano食個晚餐。食過呢間工廈既唔同餐廳，普遍質素都唔差，不過價錢就好大差距，今次嚟食呢間晚餐連加一大約每人$200內，都唔算太貴。跟餐可以揀是日餐湯或者沙律，沙律中規中距，而今日既餐湯係番茄湯。龍蝦尾紅椒堅果醬墨汁義大利麵蝦肉偏韌，不過都幾大舊，食到啖啖肉。德洲燒烤牛肉漢堡煎香過既麵包外面微脆入面鬆軟，牛肉配埋芝士都相當唔錯。薯條粗幼度適中，份量好多，點埋茄汁就更juicy。焗美國有機雞胸配巴馬火腿薄脆略嫌個雞胸有啲鞋，唔夠嫩滑，拌少少醬汁食會好。中間有塊薄脆，一齊食的話口感更突出。底層係芋泥蓉，同平時既薯蓉唔一樣，口感都幾別。