Video
Read full review
2022-11-12
242 views
話說哥哥睇完youtube介紹覺得好吸引，第二日就一齊上去會一會依間泰國餐廳 ， 心諗工廠大廈應該唔會太多人，點知去到門口已經企晒人， 六點幾已經咁多人， 原來嗰啲排隊等外賣， 估計係附近啲人放工買返屋企食。 不過入到餐廳都差唔多坐滿人， 我哋坐咗冇耐就已經開始要排隊入座。 見服務員好忙但都冇怠慢我哋，仲教我哋用QR code落單（可能我哋個樣蠢蠢地), 佢哋送餐效率亦好快， 整個用餐過程都好愉快， 門口見佢哋新開張花牌，但一啲都唔似新丁開業。 以下係我哋點過嘅食物: 泰式火山骨$158 份量好大，送上枱時場面好虛撼好吸睛，遠睇成個盆景咁，加上芫茜份量唔少，香氣十足。食落肉質嫩腍， 特製濃郁酸辣泰式汁超惹味，超滋味開胃。 餐廳仲會提供埋手套好細心。 泰式海南雞 例牌$68 海南雞好滑好好味，配一款黑豉油及一款泰式辣醬，啖啖肉勁正， 仲要冇肥膏， 食多幾件都唔驚。 泰式柚子沙律 $78 好足料好新鮮， 酸甜比例啱啱好，對比一般食到嘅更多炸小魚同炸蝦， 成個沙律惹味提升， 非常之特別同味美。椰皇三重奏$35 呢個甜品真係冇得輸， 清甜而且超好味！ 真係做到三重口感同口味， 椰奶、椰汁、椰絲
見服務員好忙但都冇怠慢我哋，仲教我哋用QR code落單（可能我哋個樣蠢蠢地), 佢哋送餐效率亦好快， 整個用餐過程都好愉快， 門口見佢哋新開張花牌，但一啲都唔似新丁開業。
以下係我哋點過嘅食物:
泰式火山骨$158
份量好大，送上枱時場面好虛撼好吸睛，遠睇成個盆景咁，加上芫茜份量唔少，香氣十足。食落肉質嫩腍， 特製濃郁酸辣泰式汁超惹味，超滋味開胃。 餐廳仲會提供埋手套好細心。
泰式海南雞 例牌$68
海南雞好滑好好味，配一款黑豉油及一款泰式辣醬，啖啖肉勁正， 仲要冇肥膏， 食多幾件都唔驚。
泰式柚子沙律 $78
好足料好新鮮， 酸甜比例啱啱好，對比一般食到嘅更多炸小魚同炸蝦， 成個沙律惹味提升， 非常之特別同味美。
椰皇三重奏$35
呢個甜品真係冇得輸， 清甜而且超好味！ 真係做到三重口感同口味， 椰奶、椰汁、椰絲， 面層係烤香椰絲，跟住係香滑細緻嘅椰汁糕，超Creamy, 下層係椰子果凍， 清涼爽甜，感覺好fresh，食完忍唔住要外賣一個拎走。
飲品: 青檸薏米水 + 珍多冰 $18 + $16
味道正常， 如果食唔到辣嘅點杯珍多冰解辣唔錯。
嘢食好味都唔再講，埋單加埋甜品外賣二人合共$409， 原來仲唔使加一， 真係驚喜一浪接一浪，佢哋位置係荔枝角站D1出口步行幾步就到， 地點超方便就腳，應該我哋好快有下次！
泰式火山骨
$158
7 views
0 likes
0 comments
泰式去骨海南雞
$68
7 views
0 likes
0 comments
泰式柚子沙律
$78
50 views
0 likes
0 comments
椰皇三重奏
$35
22 views
0 likes
0 comments
椰皇三重奏(外賣）
$36
10 views
0 likes
0 comments
Post
