金拇指米線 (福至工業大廈)

Open Now

Now Closed

今日去左個朋友屋企附近食野，諗住平食佢就帶左我黎呢間工廈飯堂。我嗌左重慶酸辣肉碎湯米線，個價錢包左一個$5既餸，再嗌其他就加錢，咁我叫左腩肉、雞扒同肥牛。雖然腩肉唔係我平時食開個隻，但都整得唔錯，肥瘦適中口感嫩，雞扒就正正常常，滲入左少少湯底既味，將雞扒既味道加添左一點酸辣，而肥牛有d肥肉令到d肉唔"韌"，整體黎講來好滿意，特別係個湯底，可以選擇微辣亦不失重慶風味。日式鰻魚飯第一個比我既感覺係好多汁好大條鰻魚，個汁都甜同juicy，但如果小d可能更好，可以品嘗到更多鰻魚原本既味道，不過醬汁既味道亦都融入鰻魚中。佢有配埋麵豉湯同飲品。下午茶既鰻魚飯好似會減$2，成間餐廳好大好多位，d野食整體上都係比較平，食物質素又唔差，絕對可以成日黎。