Pizza Piazza (Under Renovation)

星期六狂風暴雨天，約咗朋友喺荔枝角行街，順道睇下附近有邊間小店食個靚lunch。經過Pizza Piazza呢間餐廳，已經俾佢個餐牌吸引咗。每日都供應lunch set，餐湯、主菜加飲品都只係$78，巿區嚟講真係幾抵食；而pizza set都只係$88，仲有16款pizza咁多；想食特別啲嘅main同pizza款只要加錢就可以試到。我同朋友叫咗個夏威夷風情薄餅餐，餐湯係洋蔥湯；薄餅有意大利火腿、菠蘿同甜椒做饀料，即叫即整、熱辣辣；飲品叫咗杯凍士多啤梨鮮奶，甜度啱啱好、唔會太甜。另外，我哋仲叫咗個黑松露大蝦MANCINI超粗意粉餐，好少見餐廳寫明會用邊隻意粉，好特別，而且食落去又唔覺得好粗身，一啲都唔難咬，呢個餐仲會搭塊蒜蓉包。飲品就叫咗伯爵茶，原來佢會成大壺上，好抵飲。