Video
Read full review
2022-04-17
3396 views
餐廳位於D2 Place 二期，位置都相當方便易揾！有提供鐵板燒亦有壽司或omakase。雖然環境相對上無其他鐵板燒餐廳甘高級，但都正正常常整潔別致！餐牌上嘅一人餐大約都係人均三百幾左右，而今次我地就叫左龍蝦二人餐$880。即刻講下食物質素點先：前菜沙律有海葡萄，味道普通無特別就唔多講。然後到香煎銀鱈魚，師傅將魚皮壓至最扁然後再修改形狀上盤，食落脆卟卟非常香口，十足好似炸左甘！魚身亦煎得外脆内軟，打開可以見到好多魚油在内，煎得真係特別香！下一道係九州清酒煮蜆，將清酒連蜆放錫紙中，用火燒走酒精。湯非常鮮甜，除左有蜆嘅鮮，亦有清酒帶出嘅小小甜，非常好飲！然後就係主角波士頓龍蝦，二人分享一隻。師傅首先調校一個秘製醬汁，混入肥美嘅龍蝦膏同牛油。香煎好龍蝦後，將醬汁淋上表面。龍蝦雖小，但爽口鮮甜，加上非常香口嘅龍蝦膏醬汁，好食！之後就係肉眼薄燒。師傅將葱同蒜煎香，再用牛片包住葱蒜同肉汁成卷狀上菜。原本以爲只有三件，但原來食完三件會再添一次三件，姐係總共每人六件牛卷！非常飽肚！味道方面，牛卷包住所有葱蒜同油份，食落真係滿口油，有點膩但香口好食。尼到呢度其實大家已經飽左，不過仲有几道菜未上啊！接著就
前菜沙律有海葡萄，味道普通無特別就唔多講。
然後到香煎銀鱈魚，師傅將魚皮壓至最扁然後再修改形狀上盤，食落脆卟卟非常香口，十足好似炸左甘！魚身亦煎得外脆内軟，打開可以見到好多魚油在内，煎得真係特別香！
下一道係九州清酒煮蜆，將清酒連蜆放錫紙中，用火燒走酒精。湯非常鮮甜，除左有蜆嘅鮮，亦有清酒帶出嘅小小甜，非常好飲！
然後就係主角波士頓龍蝦，二人分享一隻。師傅首先調校一個秘製醬汁，混入肥美嘅龍蝦膏同牛油。香煎好龍蝦後，將醬汁淋上表面。龍蝦雖小，但爽口鮮甜，加上非常香口嘅龍蝦膏醬汁，好食！
之後就係肉眼薄燒。師傅將葱同蒜煎香，再用牛片包住葱蒜同肉汁成卷狀上菜。原本以爲只有三件，但原來食完三件會再添一次三件，姐係總共每人六件牛卷！非常飽肚！味道方面，牛卷包住所有葱蒜同油份，食落真係滿口油，有點膩但香口好食。尼到呢度其實大家已經飽左，不過仲有几道菜未上啊！
接著就係鐵板燒必備嘅炒飯，炒飯炒得粒粒分明且充滿蛋香！
之後就係炒野菜，野菜無特別好食，反而味道有點失色。唔特別覺得香，些微還帶住菜青味添。加上一般人食到呢度已經非常飽，所以更加失色。
還有就係麵豉湯同飲品，兩者同樣無特別亦唔多講啦。
最後有甜品，係印上自己餐廳名字嘅焦糖西多士。製作方法同食材雖簡單，不過食落都不錯！平凡中帶點心思添！
總結，埋單加一後，二人都係$968，個人認爲CP值性價比都頗高！分量非常多之餘，質素都幾高！自駕遊的話，呢度可以賺埋三小時免費泊車吖！有興趣記得要book位啊，walk-in無位架！
97 views
0 likes
0 comments
77 views
0 likes
0 comments
77 views
0 likes
0 comments
67 views
0 likes
0 comments
59 views
0 likes
0 comments
58 views
0 likes
0 comments
59 views
0 likes
0 comments
65 views
0 likes
0 comments
Post
