Video
Read full review
2022-06-03
79 views
公眾假期唔洗返工，陪人嚟 D2 Place 睇針織街頭藝術展，逛完過咗嚟羅氏商業廣場呢邊搵食。喺地下見到間門面好搶眼嘅茶餐廳，探頭內望，環境好 Chill，裝潢繽紛多彩，配色鮮豔奪目，既 Sharp 醒又富朝氣，真係令人眼前一亮，今日就一於喺呢度用餐。點咗兩個「大廚潮焗」，所有焗飯或焗意粉均奉送熱飲，轉凍飲+$3、汽水+$6、凍特飲+$12。兩個焗飯同時送上，熱辣辣，香噴噴，分量十足。焗咖喱芝士魚柳 配炒飯 ($62) 魚柳有兩大塊，肉質很滑溜，吃起來口感軟綿綿，不錯。咖喱汁嘅辣度啱啱好，入口濃香惹味，而且米飯已事先炒底，配埋面頭焗至金黃的芝士，格外香口。至於另一客焗芝士鮮茄豬扒 配炒飯 ($62) 亦做得十分到位，豬扒大大件，厚薄適中，食落肉質好鬆化。蕃茄汁超香濃，芝士焗到微燶，撈上不油不膩的蛋炒飯同吃，滋味無窮。飲品當然係點我至愛嘅黑牛 (+$12)，而人哋就揀咗杯咖啡紅豆冰 (+$12)，朱古力雪糕+冰凍的可樂，真係冇得輸。咖啡微甘不澀，同甜美嘅紅豆好夾，一樣咁正。
喺地下見到間門面好搶眼嘅茶餐廳，探頭內望，環境好 Chill，裝潢繽紛多彩，配色鮮豔奪目，既 Sharp 醒又富朝氣，真係令人眼前一亮，今日就一於喺呢度用餐。
點咗兩個「大廚潮焗」，所有焗飯或焗意粉均奉送熱飲，轉凍飲+$3、汽水+$6、凍特飲+$12。
兩個焗飯同時送上，熱辣辣，香噴噴，分量十足。
焗咖喱芝士魚柳 配炒飯 ($62) 魚柳有兩大塊，肉質很滑溜，吃起來口感軟綿綿，不錯。咖喱汁嘅辣度啱啱好，入口濃香惹味，而且米飯已事先炒底，配埋面頭焗至金黃的芝士，格外香口。
至於另一客焗芝士鮮茄豬扒 配炒飯 ($62) 亦做得十分到位，豬扒大大件，厚薄適中，食落肉質好鬆化。蕃茄汁超香濃，芝士焗到微燶，撈上不油不膩的蛋炒飯同吃，滋味無窮。
飲品當然係點我至愛嘅黑牛 (+$12)，而人哋就揀咗杯咖啡紅豆冰 (+$12)，朱古力雪糕+冰凍的可樂，真係冇得輸。咖啡微甘不澀，同甜美嘅紅豆好夾，一樣咁正。
Post
