程班長台灣美食 (Closed)

今日同朋友去開荔枝角行D2place，見仲早就諗住上左去試想食好耐嘅程班長, 一12點入去就已經八九成滿人，似台灣D餐廳，有台灣姨姨熱情招待，聽到啲台灣國語真係好似去左台灣咁，幾個人叫左以下幾樣野:-1)紅燒牛筋麵 $53牛肉幾多夠林唔痴牙，一人都分到一舊，面底夠彈牙同香，份量幾多，值得一讚！2)肉燥飯(魯肉飯) $28 3)手工滷肉飯 $33兩碗飯都比較細碗，似半人份量，滷肉濃味，又有油香，拌飯一流，比起瘦肉，個人喜好仍然認為肥肉好食Ｄ。4) 紅燒豬腳乾麵 $60有兩嚿鹵大豬手,豬手鹵得既入味又腍滑， 雖然不至於入口即溶, 豬手皮，肉及根通通入晒味兼軟滑，好味，, 麵都好好味。5) 麻油雞 $60D湯有回歸藥味，好多油，雞肉只有4件, 不滑，有朋友喜歡，但我不喜歡。6)台灣黑豬肉香腸 $40台灣香腸要夾生蒜片一起吃，外皮酥脆帶點甜，一起食消左香腸的肥和生蒜片的辛辣。7)烏龍茶同冬瓜茶 $10整體來說都幾好，不過坐得不太舒服，人太多。食完一點多，門口已經排左一條長長既人龍，如果唔洗排隊都可以再食，但要排隊等就免了。