Video
Read full review
2022-08-12
232 views
今晚要同妹妹嘆下精緻西餐，聽朋友介紹荔枝角億利中心有間環境幾舒服嘅餐廳，一於同妹妹享受下！今次就食咗FAB kitchen嘅set dinner menu，第一次就揀3 course dinner $398。羽衣甘藍 配香芹柚子醋，頭盤都係比較開胃嘅菜式，香芹清爽脆口味道少少酸帶柚子香，羽衣甘藍就好有創意甘炸過，幾特別，呢個菜式整體口感偏爽脆。吞拿魚他他 墨西哥辣椒西瓜汁，另一款頭盤口感就比較順滑濃郁，呑拿魚調味簡單，配微辣又帶甜嘅西瓜汁同檸檬味爆珠，有驚喜！日本廣島蠔 配上湯白酒啫喱，賣相精緻，白酒嘅清新果香更加帶出到蠔嘅鮮味！煙鴨胸酸梨甜醬，鴨胸煙燻味好香加埋粒粒軟腍果肉嘅梨醬，層次豐富。意大利式烤雞卷 莧菜 蛋黃乳酪沙巴汁，主菜我哋就揀咗雞同牛，烤雞胸卷表面稍煎香，莧菜水份好多，妹妹超鐘意呢款帶酒香嘅sabayon醬汁，呢款醬係意大利或者法式甜品比較常見，但配雞胸同菜食原來都幾夾！布根地式燴牛面肉 配田園雜菜沙律，個人最鍾意呢道菜，和牛面頰肉煮到軟腍，肉味香濃，想味道更濃可以加少少旁邊嘅鹹脆片！總括而言，完全無諗到係工廈入面會揾到甘精緻嘅創意西式料理，環境同服務都幾高質，下次等佢
羽衣甘藍 配香芹柚子醋，頭盤都係比較開胃嘅菜式，香芹清爽脆口味道少少酸帶柚子香，羽衣甘藍就好有創意甘炸過，幾特別，呢個菜式整體口感偏爽脆。
羽衣甘藍 配香芹柚子醋
43 views
0 likes
0 comments
吞拿魚他他 墨西哥辣椒西瓜汁，另一款頭盤口感就比較順滑濃郁，呑拿魚調味簡單，配微辣又帶甜嘅西瓜汁同檸檬味爆珠，有驚喜！
吞拿魚他他 墨西哥辣椒西瓜汁
16 views
0 likes
0 comments
日本廣島蠔 配上湯白酒啫喱，賣相精緻，白酒嘅清新果香更加帶出到蠔嘅鮮味！
日本廣島蠔 配上湯白酒啫喱
21 views
0 likes
0 comments
煙鴨胸酸梨甜醬，鴨胸煙燻味好香加埋粒粒軟腍果肉嘅梨醬，層次豐富。
煙鴨胸酸梨甜醬
13 views
0 likes
0 comments
意大利式烤雞卷 莧菜 蛋黃乳酪沙巴汁，主菜我哋就揀咗雞同牛，烤雞胸卷表面稍煎香，莧菜水份好多，妹妹超鐘意呢款帶酒香嘅sabayon醬汁，呢款醬係意大利或者法式甜品比較常見，但配雞胸同菜食原來都幾夾！
意大利式烤雞卷 莧菜 蛋黃乳酪沙巴汁
22 views
0 likes
0 comments
布根地式燴牛面肉 配田園雜菜沙律，個人最鍾意呢道菜，和牛面頰肉煮到軟腍，肉味香濃，想味道更濃可以加少少旁邊嘅鹹脆片！
布根地式燴牛面肉 配田園雜菜沙律
18 views
0 likes
0 comments
總括而言，完全無諗到係工廈入面會揾到甘精緻嘅創意西式料理，環境同服務都幾高質，下次等佢轉menu又可以再黎！
10 views
0 likes
0 comments
Post
